نۇر-سۇلتان قالاسىنىڭ اكىمدىگى الەۋمەتتىك از قامتىلعان, كوپبالالى وتباسىلاردان شىققان, مۇمكىندىگى شەكتەۋلى بالالارعا ارناپ «Mega Silk Way» ساۋدا, ويىن-ساۋىق ورتالىعىندا جاڭا جىلدىق شىرشا تويىن وتكىزدى. وعان قاتىسقان قالا اكىمىنىڭ ورىنباسارى باقتيار ماكەن بالاقايلاردى كەلە جاتقان جاڭا جىلمەن قۇتتىقتاپ, سىي-سياپاتتاردى تاپسىردى.
– بارشاڭىزدى كەلە جاتقان جاڭا جىل مەرەكەسىمەن شىن جۇرەكتەن قۇتتىقتايمىن! باقىتتى بالالىق شاق, جاقسىلىق اتاۋلىنىڭ ءبارىن تىلەيمىن! جۇزدەرىڭنەن كۇلكى كەتپەسىن! ەلىمىزدىڭ ەرتەڭگى كۇنى وزدەرىڭنىڭ قولدارىڭدا. قازىرگى تاڭدا نۇر-سۇلتاندا ارنايى «قايىرىمدى قالا» دەگەن ۇلكەن اكتسيا باستادىق. سونىڭ اياسىندا بالدىرعانداردى شاقىرىپ, مەرەكەلىك كوڭىل كۇي سىيلاعىمىز كەلدى. ازداعان سىي-سياپاتتارىمىز بار. مەكتەپتە ساباقتارىڭدى جاقسى وقىپ, ەرتەڭگى ەلىمىزدىڭ ءبىلىمدى ازاماتى بولۋلارىڭا تىلەكشىمىن, – دەدى اكىم ورىنباسارى.
