جاڭالىقتارقالا تىرشىلىگى
بالعىندار باس قالانى بەينەلەمەك
ەلوردا تويىن ايشىقتايتىن شارالاردىڭ ءبىرى – كىشكەنتاي استانالىقتاردىڭ شىعارماشىلىعىنا ارنالعان «جان-جۇرەگىم, استانام!» كورمەسى. مۇندا بالالار ءوز سۋرەتتەرىندە جاس استانانىڭ كوركەم كەلبەتىن بەينەلەيتىن بولادى.
ۇيىمداستىرۋشىلاردىڭ جوسپارىنا سايكەس كورمەگە بەينەلەۋ ونەرى, ساندىك-قولدانبالى شىعارماشىلىق, زاماناۋي ديزاين ۇيىرمەلەرىنىڭ 200-دەن استام تالىمگەرىنىڭ جۇمىستارى قويىلادى. بالالار العىس حاتتارمەن جانە باعالى سىيلىقتارمەن ماراپاتتالادى. شارا سوڭىندا سۋرەتتەر مەن بۇيىمدار الەۋمەتتىك مەكەمەلەرگە تارتۋ ەتىلەدى.
كورمە بالالاردىڭ بويىنا رۋحاني قۇندىلىقتار مەن مەيىرىمدىلىك, وتانسۇيگىشتىك, بەلسەندىلىك قاسيەتتەرىن ءسىڭىرىپ, ءزارۋ جاندارعا قول ۇشىن سوزۋعا تاربيەلەيدى. اسىرەسە, بالالار ءۇيى تاربيەلەنۋشىلەرىنە قايىرىمدىلىق كومەك كورسەتۋگە باعىتتالعان. جانى مەيىرىمگە تولى جەتكىنشەكتەردىڭ قولىنان شىققان نازىك تە اسەم تۋىندىلار قاتىسۋشىلارعا ەرەكشە اسەر سىيلايدى.
كورمە 10 ماۋسىم كۇنى ساعات 11.00-دە جاڭا وقۋشىلار سارايىنىڭ گالەرەيا الاڭىندا وتەدى.