استانا قالاسى اكىمدىگىندە «رۋحاني جاڭعىرۋ» باعدارلاماسى اياسىندا شىعارىلعان كىتاپتاردىڭ تانىستىرىلىمى ءوتتى.
جاڭا كىتاپتار – استانا قالاسىنىڭ 20 جىلدىعىن اتاپ ءوتۋ بارىسىندا قولعا الىنعان شارالاردىڭ باسى. اتالمىش باعدارلاما اياسىندا جارىق كورگەن ساۋحات جۇماگۇلدىڭ «ساعىندىرعان اسىلدار» اتتى كىتابىندا قازاق ۇلتىنىڭ ونەرىنە, مادەنيەتىنە ولشەۋسىز ۇلەس قوسقان تۇلعالاردىڭ ەڭبەكتەرى ەنگەن.
– بۇل كىتاپقا استانامىز
الماتىدان استاناعا كوشكەندە ەلوردامىزدىڭ ءمادەني, ادەبي ورتاسىن قا-
لىپتاستىرىپ, ونەر ورداسىن قۇرۋعا اتسالىسقان اقىن-جازۋشىلاردىڭ وي-تۇجىرىمدارى, تولعانىستارى ەنىپ وتىر, – دەپ اتاپ ءوتتى ىشكى ساياسات باسقارماسىنىڭ باسشىسى ەرلان قاناليموۆ.
ال قالعان ءۇش كىتاپ بلوكنوت رەتىندە شىعارىلعان. كىتاپتا عالامتور بەتتەرىندە جاريالانباعان قالانىڭ بوزوقتان استاناعا دەيىنگى قىزىقتى تاريحى قامتىلادى. شىعارما قازاق, ورىس, اعىلشىن تىلدەرىندە جازىلعان. ونىڭ قۇرىلىمى دا ايتارلىقتاي جەڭىل بولۋ ءۇشىن وقىرمانعا ايا ەسىمدى روبوت كومەكتەسەدى.
– استانا قالاسىنىڭ تاريحىنان سىر شەرتەتىن زاماناۋي كىتاپ «ەل جۇرەگى – اجارلى قالا استانا» دەپ اتالادى. اۆتورى – زاۋرە تورەحانوۆا. ەكى كەيىپكەردىڭ ءوزارا اڭگىمەلەسۋى ارقىلى استانانى تانىستىرىپ وتىرادى, – دەيدى باسقارما باسشىسى.
شارا بارىسىندا ەرلان قاناليموۆ وقىرماننىڭ, كىتاپسۇيەر قاۋىمنىڭ سۇرانىسىنا ساي, ولار ۇسىناتىن تاقىرىپتار بويىنشا دا كىتاپ شىعارۋعا دايىن ەكەندىكتەرىن جەتكىزدى. شاراعا قاتىسقان قالاداعى مەكتەپتەر مەن كوللەدجدەردىڭ كىتاپحاناشىلارىنا اتالمىش كىتاپتار تابىس ەتىلدى.
