نۇر-سۇلتان قالاسىنىڭ اكىمى التاي كولگىنوۆ ءماسليحات دەپۋتاتتارىمەن كەزدەستى. كەزدەسۋ بارىسىندا حالىق قالاۋلىلارى قالا تۇرعىندارىنىڭ وزەكتى ماسەلەلەرى مەن قالالىق ينفراقۇرىلىمدى دامىتۋدىڭ جۇيەلى ماسەلەلەرى تۋرالى ايتىپ, ولاردى شەشۋ بويىنشا ۇسىنىستار ايتتى.
اكىم قالانىڭ تىنىس-تىرشىلىگىن قامتاماسىز ەتۋ نىساندارىنىڭ جۇمىسى كوپ ماسەلە تۋعىزىپ وتىر, سونداي-اق ۇلەسكەرلەرمەن, قالانىڭ شەت اۋماقتارىن اباتتاندىرۋ جاعدايى جانە ت. ب. شەشىلمەگەن سۇراقتار بار ەكەنىن جەتكىزدى. «ەلباسى مەن ەل پرەزيدەنتى ەلوردانى دامىتۋ جونىندە الدىمىزعا ۇلكەن مىندەتتەر قويدى. قالا تۇرعىندارى بىزگە سەنىم ءبىلدىرۋ ءۇشىن ولاردى بىرلەسىپ كۇش-جىگەرمەن شەشۋ كەرەك» دەپ اتاپ ءوتتى قالا باسشىسى. دەپۋتاتتار جاڭا اۋدانداردى سالۋ كەزىندە ولاردىڭ ينفراقۇرىلىمىن ازىرلەۋگە مۇقيات قاراۋ تالاپ ەتىلەتىنىن, بۇل رەتتە قۇرىلىسقا جاۋاپتى بارلىق مەكەمەنiڭ ءوزارا ءىس-قيمىلىنىڭ ناقتى تەتىگى بiر جولعا قويىلۋعا ءتيىس ەكەنىن اتاپ ءوتتى. سونداي-اق ولاردىڭ پىكىرىنشە, بيۋدجەتتى جوسپارلاۋ كەزىندە حالىقتىڭ ۇسىنىستارى, قاجەتتىلىكتەرى مەن مۇددەلەرى ەسكەرىلۋى ءتيىس. كوپتەگەن سۇراق ساياجاي القاپتارى مەن شەتتەرىن اباتتاندىرۋ بويىنشا تۋىنداعان. كەيبىر تۇرعىن الاپتاردا تروتۋارلار, بالالار الاڭدارى, جولدار, جىلى ايالدامالار, سۋ بۇرۋ جۇيەلەرى جوق. سونىمەن قاتار دەپۋتاتتار حالىقتىڭ الەۋمەتتىك وسال توپتارىن تۇرعىن ۇيمەن قامتاماسىز ەتۋ, كوشەلەردەگi كەپتەلiستەردi جويۋ, تۇرعىن ۇيلەردى سالۋ كەزىندە ەنەرگيا ۇنەمدەيتىن تەحنولوگيالاردى قولدانۋ ماسەلەلەرىن قوزعادى. اكىم بارلىق ايتىلعان ماسەلەلەر كەزەڭ-كەزەڭمەن شەشىلەتىندىگىن اتاپ ءوتتى.
