كحل چەمپيوناتىندا ونەر كورسەتەتىن استانالىق «بارىس» بۇگىن ءوز الاڭىنداعى كەزەكتى سەرياسىن باستايدى.
بۇگىن, 22 قاراشادا ريگانىڭ «دينامو» كومانداسىن قابىلدايدى. ويىن ساعات 19.00-دە باستالادى.
جەكسەنبى, 24 قاراشا كۇنى استاناعا ماسكەۋدىڭ تسسكا كلۋبى قوناققا كەلەدى. بۇگىنگى تاڭدا تسسكا كومانداسىنىڭ بۇرىنعىداي ابىروي-بەدەلىن ( سوۆەت وداعىنىڭ بىرنەشە دۇركىن, ەۋروپالىق كلۋبتىق تۋرنيرلەرىنىڭ جەڭىمپازى, كسرو قۇراماسىنىڭ نەگىزگى بازالىق كومانداسى) كوتەرۋ ءۇشىن جان-جاقتى جاعدايلار جاسالىپ جاتقانداي. رەسەيدەگى ۇزدىك حوككەيشىلەردى وسى كلۋبقا توپتاستىرىلا باستادى. رادۋلوۆ, موروزوۆ… سياقتى مىقتى ويىنشىلار قازىر تسسكا جەيدەسىمەن ويناپ ءجۇر. سوندىقتان «قازاقستان» سپورت سارايىندا وتەتىن «بارىس» – تسسكا اراسىنداعى ويىن وتە تارتىستى وتەتىنى بولجانىپ وتىر. ماتچ ساعات 17.00-دە باستالادى.
«بارىس» 26 قاراشا كۇنى براتيسلاۆانىڭ «سلوۆان», ال 28 قاراشا كۇنى پراگانىڭ «لەۆ» كوماندالارىن قابىلدايدى. بۇل ويىندا ساعات 19.00-دە باستالادى.
