استاناداعى ەسىل اۋدانىنىڭ اكىمى ەرماعانبەت بولەكپاەۆ ەكولوگيالىق ايلىق پەن جەڭىس كۇنىنە وراي ۇيىمداستىرىلعان شارالارعا بەلسەندى اتسالىسقان ۇيىمداردى ماراپاتتادى.
– مامىر ايى مەرەكەلەرگە تولى بولدى, – دەپ باستاعان ءسوزىن اۋدان باسشىسى ءبىر ايعا سوزىلعان سەنبىلىككە اۋدان اۋماعىندا ورنالاسقان بارلىق مەكەمەلەر وتە ۇيىمشىلدىق كورسەتتى دەپ, ولارعا ريزاشىلىعىن ءبىلدىردى. ايلىق اياسىندا ون ءتورت مىڭ جارىم اعاش وتىرعىزىلعان. بۇل جۇمىستار ءالى دە جالعاسۋدا.
– بۇگىن سىزدەردى ادەيىلەپ شاقىرىپ وتىرمىن. ءاربىر ءىس شارالاردى ۇنەمى قولداپ كەلەسىزدەر. اسىرەسە, جەڭىس كۇنى مەرەكەسىندە مايدانگەرلەرگە ەرەكشە كوڭىل ءبولىپ, سىي-قۇرمەت كورسەتتىڭىزدەر. قازىرگى تاڭدا اۋداندا 9 سوعىس ارداگەرى قالدى. قاريالاردىڭ قاتارى جىلدان-جىلعا سيرەپ بارادى. «ەكسپو-2017» حالىقارالىق كورمەسىنىڭ اشىلۋى دا جاقىندادى. كورمە شەڭبەرىندە كوپتەگەن شارالاردى وتكىزۋدى جوسپارلاپ وتىرمىز. ءبارى دە جوعارى دەڭگەيدە وتەدى دەپ سەنەمىن. بارلىقتارىڭىزعا اۋدان اكىمدىگى اتىنان العىس ايتامىن, – دەدى ەرماعانبەت بولەكپاەۆ.
سونىمەن, سەنبىلىك پەن جەڭىس كۇنى اياسىندا وتكەن اكتسياعا ەلەۋلى ۇلەس قوسقان 40-قا جۋىق مەملەكەتتىك مەكەمە مەن ۇيىمدارعا اۋدان اكىمى العىس حات پەن ەستەلىك سىيلىق تابىس ەتتى.
ازامات ەسەنجول
