نۇر-سۇلتاندا العاش رەت №2 قالالىق كوپبەيىندى اۋرۋحانا بازاسىندا بەلگىلى ماسكەۋلىك دارىگەر ولەگ ساپەلنيكوۆ اريتمولوگيا بويىنشا ماستەر-كلاسس وتكىزدى.
ماستەر-كلاسس اياسىندا ەلوردالىق دارىگەرلەر ماسكەۋدەگى ارىپتەستەرىمەن بىرگە جۇيە ىرعاعىنىڭ كۇردەلى بۇزىلۋى بويىنشا ءۇش ەرەكشە وتا جاسادى. وپەراتسيالار Boston Scientific (اقش) كومپانياسى شىعارعان «RYTHMYA HDX» ناۆيگاتسيالىق جۇيەنىڭ كومەگىمەن جۇزەگە اسىرىلدى. بۇل جۇيە تمد ەلدەرىنىڭ اۋماعىنداعى جالعىز جۇيە سانالادى. مەديتسينالىق اپپارات جۇرەك ىرعاعىنىڭ كۇردەلى بۇزىلۋلارىن جوعارى تيىمدىلىكپەن جويۋعا مۇمكىندىك بەرەدى جانە رەنتگەندى پايدالانۋدى ازايتادى. «ءبىز 43, 53 جانە 59 جاستاعى ءۇش ناۋقاسقا وپەراتسيا جاسادىق. وپەراتسيالار 2-3 ساعاتقا دەيىن سوزىلدى. ولار از ءينۆازيۆتى جانە پاتسيەنتتەر ءۇشىن وڭالتۋ كەزەڭى ءىس جۇزىندە قاجەت ەمەس. قازىرگى ۋاقىتتا پاتسيەنتتەردىڭ جاعدايى تۇراقتى, ولاردى جاقىن كۇندەرى شىعارۋ جوسپارلانىپ وتىر» دەپ ءتۇسىندىردى ينتەرۆەنتسيالىق كارديولوگيا جانە اريتمولوگيا ءبولىمىنىڭ اعا ورديناتورى ت.ەسەنوۆ.
ءوز كەزەگىندە پاتسيەنت ن.يۆاننيكوۆا دارىگەرلەرگە ۇلكەن ەڭبەگى مەن كاسىبيلىگى ءۇشىن العىس ءبىلدىردى. «تاجىريبەلى دارىگەرلەردىڭ وقۋدى توقتاتپايتىنىنا جانە وقۋدان ۇيالمايتىنىنا ريزامىن. مۇنداي ماستەر-كلاستار وتە ماڭىزدى. ۇيرەنۋگە ەشقاشان كەش ەمەس. وسىنداي باقىت ماعان بۇيىرىپ, وپەراتسيا جاسالدى. بارلىق دارىگەرگە العىسىمدى بىلدىرگىم كەلەدى» دەدى ناۋقاس.
