ەلوردالىق تۇرعىن-ءۇي قورى «نۇرلى جەر» باعدارلاماسى بويىنشا «از قامتىلعان وتباسىلاردى تۇرعىن-ءۇي ساتىپ الۋ ءۇشىن نەسيەلەۋ» اياسىندا جولداما قابىلداۋ باستالعانىن حابارلادى.
بۇل باعدارلاماعا كوپبالالى وتباسى, تولىق ەمەس وتباسى, مۇگەدەك بالالارى بار نەمەسە تاربيەلەپ وتىرعان وتباسى ساناتتارىندا كەزەكتە تۇرعاندار قاتىسا الادى. بۇدان باسقا, باعدارلامانىڭ شارتتارى بويىنشا وتباسىنىڭ ءبىر مۇشەسىنە شاققانداعى تابىسى 42500 تەڭگەدەن اسپاۋى ءتيىس.
تۇرعىن ءۇيدى باستاپقى جانە قايتالاما نارىقتا ساتىپ الۋعا بولادى. بۇل رەتتە باستاپقى جارنانىڭ ءبىر بولىگىن جابۋ ءۇشىن 1 ملن تەڭگە مولشەرىندەگى تۇرعىن ءۇي سەرتيفيكاتى تەك باستاپقى نارىقتا تۇرعىن ءۇي ساتىپ الۋعا ارنالعان. جولداما الۋ ءۇشىن وتىنىشتەر اعىمداعى جىلدىڭ 17-31 شىلدەسى ارالىعىندا قابىلدانادى (I كەزەڭ). وسى باعدارلاماعا قاتىسۋشىلار 3 كەزەڭنەن ءوتۋى كەرەك. باستاپقى نارىقتى تاڭداساڭىز, وندا ءسىزدى 1 ملن تەڭگە مولشەرىندەگى تۇرعىن ءۇي سەرتيفيكاتىن الۋ ءۇشىن دوستىق كوشەسى, 13 مەكەنجايىندا ورنالاسقان جۇمىسپەن قامتۋ جانە الەۋمەتتىك قورعاۋ باسقارماسىنا جولدايدى. ال ەگەر قايتالاما نارىق بولسا, وندا تۇقجب شوتىنا تۇرعىن ءۇي قۇنىنىڭ 10 پايىزىن باستاپقى جارناسىن سالۋ قاجەت. جولداما العاننان كەيىن ازاماتتار «قازاقستاننىڭ تۇرعىن ءۇي قۇرىلىس جيناق بانكى» اق-نا نەسيە الۋعا ءوتىنىم بەرۋى ءۇشىن جولىعۋلارى قاجەت. تولىق اقپارات @zhilfond_nursultan ينستاگرام پاراقشاسىندا كورسەتىلگەن.
