بيىل ءبىرىنشى سىنىپقا ءوتىنىش قابىلداۋ 1 ساۋىردە باستالىپ, 2024 جىلدىڭ 31 تامىزىنا دەيىن جالعاسادى, دەپ حابارلايدى astana-akshamy.kz قر وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
اتا-انالار بالانىڭ قۇجاتتارىن ەلەكتروندىق ۇكىمەتتىڭ ەgov.kz. ۆەب-پورتالى ارقىلى تاپسىرا الادى. جاڭا وقۋ جىلىندا ءبىرىنشى سىنىپقا 370 مىڭنان استام بالا بارادى دەپ كۇتىلۋدە.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ, تالىمگەرلىك جانە بالالاردىڭ قاۋىپسىزدىگى ماسەلەلەرى جونىندەگى زاڭىنا سايكەس ليتسەيلەر مەن گيمنازيالارعا ءبىرىنشى سىنىپقا قابىلداۋ كەزىندە ەمتيحان وتكىزۋگە تىيىم سالاتىن ەرەجە ەنگىزىلدى. بارلىق بالالار, دايىندىق دەڭگەيىنە قاراماستان, تەڭ مۇمكىندىكتەرگە يە بولادى. بۇل باستاما تەستىلەۋ مەن اڭگىمەلەسۋگە بايلانىستى ءبىرىنشى سىنىپ وقۋشىلارىنداعى پسيحولوگيالىق قىسىمدى ازايتۋعا باعىتتالعان»,- دەپ اتاپ ءوتتى ورتا ءبىلىم كوميتەتىنىڭ باسقارما باسشىسى ءاليا چوكۋشەۆا.
بالالار ءبىرىنشى سىنىپقا التى جاستان باستاپ اتا – اناسى نەمەسە زاڭدى وكىلىنىڭ ءوتىنىشى نەگىزىندە قابىلدانادى. وتىنىشپەن بىرگە №065ۋ فورماسىنداعى دەنساۋلىق جاعدايى تۋرالى انىقتاما, 026/ۋ-3 بالانىڭ دەنساۋلىق پاسپورتى جانە بالانىڭ ەكى دانا 3ح4 فوتوسۋرەتى بولۋ كەرەك. ءوتىنىش دەمالىس جانە مەرەكە كۇندەردى قوسپاعاندا, دۇيسەنبىدەن جۇماعا دەيىن قابىلدانادى.
