بولاشاعى باياندى قوزعالىس
ورتالىق كوممۋنيكاتسيالار قىزمەتىندە «قازاقستان-2050» جالپىۇلتتىق قوزعالىسى كەڭەسىنىڭ توراعاسى دانات جۇمين جۋرناليستەرگە بريفينگ وتكىزدى.
«بۇگىنگى تاڭدا قوزعالىس بەلسەندىلەرىنىڭ سانى 4 مىڭ ادامعا جەتتى. ولاردىڭ ىشىندە بيزنەس, عىلىم مەن ءبىلىم, دەنساۋلىق, وتاندىق جانە شەتەلدىك وندىرىستىك كاسىپورىنداردىڭ وكىلدەرى, مەملەكەتتىك قىزمەتكەرلەر بار. جىل سوڭىنا دەيىن 10 مىڭ ادامنان اسادى دەپ ويلايمىز. بۇل ۇلكەن جەتىستىك بولماق» دەدى د.جۇمين. «قازاقستان-2050» جالپىۇلتتىق قوزعالىسى ەلباسىنىڭ يدەياسىمەن تۋىنداعان ەدى. مەملەكەت «بولاشاق» ستيپەندياسىنىڭ 20 جىلدىق مەرەيتوي فورۋمىنا قاتىسۋشىلارىنا ايتقان سوزىندە: «قازاقستان-2050» ستراتەگياسى – بۇل ءبىزدىڭ ءححى عاسىرداعى ۇلتتىق يدەيامىز. ول ءبىزدىڭ حالىق ۇمتىلاتىن ۇلى ىستەرگە باستايدى.
مەن «بولاشاق» باعدارلاماسى نەگىزىندە «قازاقستان-2050» جالپىۇلتتىق قوزعالىسىن قۇرۋدى ۇسىنامىن» دەگەن بولاتىن. جاڭا ۇيىم قازاقستاندىق مەملەكەتتىلىكتىڭ نەگىزىندە جاتقان قۇندىلىقتار – ۇلتتىق بىرلىك, ۇلتارالىق جانە ءدىنارالىق كەلىسىم, ازاماتتىق تەڭدىك جانە ءۇش تۇعىرلى ءتىل, تولەرانتتىلىق, سونىمەن قاتار قازاق ەلىنىڭ باي ءداستۇرى مەن تاريحىنىڭ باياندىلىعىن ماقسات ەتەدى.
قازىرگى كۇندە قوزعالىستىڭ كۇشىمەن «قازاقستان-2050» ستراتەگياسىنىڭ ماقساتتارىنا قول جەتكىزۋگە باعىتتالعان 16 جوبا ىسكە قوسىلىپ, ونىڭ تورتەۋى اياقتالىپ, ال قالعان 12 جوبا ءالى جۇزەگە اسىرىلۋدا.
ايگۇل ۋايسوۆا