الەۋمەتجاڭالىقتارقالا تىرشىلىگى
BRT اۆتوبۋستارى مۇگەدەكتەرگە قولايلى بولادى
استانا قالاسى اكىمدىگىنىڭ www.astana.kz cايتى حابارلاۋىنشا, قۇرىلىسى ءجۇرىپ جاتقان جاڭا BRT كولىك جۇيەسى اياسىندا قولدانىسقا ەنگىزىلەتىن جىلدام جۇرەتىن اۆتوبۋستار مۇمكىندىگى شەكتەۋلى جاندار ءۇشىن قولايلى بولادى.
اتاپ ايتساق, ستانسا پلاتفورماسىنا اۆتوماتتى تۇردە اشىلاتىن ەسىكتەر ورناتىلادى. ول جىلجىمالى قۇرام كەلىپ توقتاعاندا عانا اشىلادى. سونداي-اق, اۆتوبۋستىڭ ەدەنى ستانسا پلاتفورماسىمەن ءبىر دەڭگەيدە بولادى.
ياعني, ارباعا تاڭىلعان مۇگەدەكتەر كولىك قۇرالىنا ءوز بەتىنشە وتىرا الادى. كوزى ناشار كورەتىن مۇگەدەك جاندار دا اۆتوبۋستارىنا ەش قيىندىقسىز ءمىنىپ-تۇسەدى. جاڭا جۇيە بەسىك-اربامەن جۇرگەن جاس انالارعا دا, جالپى قالا تۇرعىندارى ءۇشىن دا قولايلى بولماق. اۆتوبۋستاردىڭ سالونىندا اربامەن جۇرەتىن مۇگەدەكتەرگە بەلدىكتەر مەن ىڭعايلى تۇتقالارى بار ارنايى ورىن بولىنەدى.