بۇگىن استانادا «قۋاتتى ءوڭىر – قۋاتتى قازاقستان» باعدارلاماسىنىڭ اياسىندا الماتى وبلىسىنىڭ كۇندەرى جالعاسىپ جاتىر.

تاڭەرتەڭ عاسىر جاساپ, «قازاقتىڭ گومەرى» اتانعان اقىن جامبىل جاباەۆتىڭ  ەسكەرتكىشىنە گۇل قويۋ ءراسىمى اۋىلشارۋاشىلىق جارمەڭكەسىمەن جالعاستى.

ال قازىر كونگرەسس-حولدا «تالدىقورعان: كەشە, بۇگىن, ەرتەڭ» اتتى كورمە مەن «جەتىسۋ – جۇماق مەكەنىم» كونتسەرتى ءوتىپ جاتىر.
استانا اكىمى اسەت يسەكەشەۆ ارالاعان كورمەدە تالدىقورعان قالاسىنىڭ دامۋى جونىندەگى فوتوشەجىرە, جەرگىلىكتى جەردە شىعارىلعان ونىمدەر جانە تۋريزم تۋرالى ماتەريالدار قويىلعان.

سونداي-اق وڭىردەگى دوستىق پەن تاتۋلىقتى پاش ەتەتىن قازاقستان حالقى اسسامبلەياسىنا جەكە بۇرىش بەرىلگەن.
ال كونتسەرتتە الماتى وبلىسىنىڭ ونەر ۇجىمدارى كەنەننىڭ جانە ايماقتا بۇرىن-سوڭدى وتكەن ونەر يەلەرى مەن جەرگىلىكتى كومپوزيتورلاردىڭ اندەرىمەن استانالىقتاردى جانە قالا قوناقتارىن سۋسىنداتۋدا.

الماتى وبلىسىنىڭ استاناداعى كۇندەرى ەرتەڭ دە جالعاساتىنىڭ ايتا كەتەيىك.  وقۋشىلاردىڭ سارايى ماڭىنداعى جارمەڭكەدە جامبىل ەلى ونەرپازدارىنىڭ ونەرىنە تاعى قۇلاق قۇرىشىن قاندىرا الاسىز.

امانعالي قالجانوۆ