بۇقارالىق ۇيىم مەرەكەسى
قازاقستان رەسپۋبليكاسى كاسىپوداق قىزمەتكەرلەرى كۇنىنە ورايلاستىرىلعان بۇقارالىق مەرەكە-دۋمان ءوتتى. ەلوردا اكىمدىگىنىڭ قولداۋىمەن وتكەن مەرەكە باعدارلاماسى اۋقىمدى بولدى.
قالا تۇرعىندارى مەن مەيماندارى مەرەكەلىك داستارقاننان ءدام تاتىپ, سپورت سايىستارىنا قاتىستى. مەرەكە سوڭى كونتسەرتكە ۇلاستى. وسى كۇنى كاسىپوداق قاتارىنا كىرۋگە ءوتىنىش بەرگەندەردىڭ دە سانى از بولمادى. جينالعان قاۋىم الدىندا قر كاسىپوداقتار فەدەراتسياسىنىڭ توراعاسى ءا.قۇسايىنوۆ ءسوز سويلەدى. ول سالاداعى ءوزگەرىستەرگە توقتالىپ, «كاسىپتىك وداقتار تۋرالى» زاڭ جوباسى پارلامەنت قاراۋىنا جىبەرىلگەنى جونىندە ايتتى.
قازىرگى ۋاقىتتا قازاقستاندا رەسپۋبليكالىق دەڭگەيدە 26 سالالىق جانە ايماقتاردا 4 وبلىستىق كاسىپوداق جۇمىس ىستەيدى. كاسىپوداقتار فەدەراتسياسىنىڭ 2,1 ملن جۋىق مۇشەسى بار. سونىڭ ىشىندە 1,1 ميلليونى ءبىلىم جانە مەديتسينا سالاسىندا قىزمەت ەتسە, 5 مىڭى – ستۋدەنتتەر مەن زەينەتكەرلەر. كاسىپوداقتاردىڭ قالعان مۇشەلەرى – ەكونوميكا سەكتورىنىڭ قىزمەتكەرلەرى.