قالالىق ءماسليحاتتىڭ 44-ءشى كەزەكتەن تىس سەسسياسىندا استانانىڭ 2014-2016 جىلدارعا ارنالعان بيۋدجەتىنە وزگەرىستەر ەنگىزۋ تۋرالى ماسەلە تالقىلاندى.
وسىعان وراي, ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ج.نۇرپەيىسوۆ بيۋدجەت كودەكسىنە 2014 جىلعى 4 تامىزدا ەنگىزىلگەن وزگەرىستەرگە سايكەس, رەسپۋبليكالىق بيۋدجەتتىڭ ناقتىلانۋى كەزىندە جەرگىلىكتى دەڭگەيدە تۇزەتۋ كىرگىزىلىپ, بيىلعى رەسپۋبليكالىق بيۋدجەتتىڭ ناقتىلانۋى قالا بيۋدجەتىنىڭ تۇزەتىلۋىمەن قابىلدانعانىن جەتكىزدى.
باسقارما باسشىسىنىڭ ايتۋىنشا, قالانىڭ الەۋمەتتىك-ەكونوميكالىق كورسەتكىشتەرىنىڭ ءوسۋ سەرپىنى بيۋدجەتتىڭ كىرىس ءبولىگىنىڭ اتقارىلۋىنا وڭتايلى اسەر ەتتى. وسىعان بايلانىستى استانا قالاسى بيۋدجەتىنىڭ كىرىس بولىگى 2,8 ملرد تەڭگەگە ۇلعايدى. وتكىزىلگەن مونيتورينگكە سايكەس, بيۋدجەتتىك باعدارلاما اكىمشىلەرىنىڭ ۇسىنىستارى بويىنشا قاراجاتتى قايتا ءبولۋ ۇسىنىلدى.
– وسىلايشا, 2014 جىلدىڭ قاڭتار-قازانىندا قالا بيۋدجەتىنە 129 645 789 مىڭ تەڭگە ءتۇستى, وتكەن جىلدىڭ ءتيىستى كەزەڭىمەن سالىستىرعاندا ءتۇسىم 19 876 710 مىڭ تەڭگەگە ۇلعايدى, ونىڭ ىشىندە سالىقتىق تۇسىمدەر بويىنشا ناقتى ءتۇسىم 113 661 571,0 مىڭ تەڭگەنى قۇرادى, وتكەن جىلدىڭ ءتيىستى كەزەڭىمەن سالىستىرعاندا ءتۇسىمدەر 18 789 406,0 مىڭ تەڭگەگە ۇلعايدى, – دەدى ج.نۇرپەيىسوۆ.
باس قالانىڭ الماتى اۋدانىنىڭ شىعىستارىنا 200 ملن تەڭگە قاراستىرىلدى, ونىڭ 25 ملن تەڭگەسى اۋدان اۋماعىنداعى ەلدi مەكەندەردiڭ كوشەلەرiن جارىقتاندىرۋعا جانە 175 ملن تەڭگەسى تازالىق جۇمىستارىن قامتاماسىز ەتۋگە جۇمسالماقشى. سونىمەن بىرگە, سارىارقا اۋدانىنا 250 ملن جانە ەسىل اۋدانىنا 350 ملن تەڭگە قاراستىرۋ كوزدەلگەن.
ودان ءارى ەلوردانىڭ ەنەرگەتيكا, قۇرىلىس, كوممۋنالدىق شارۋاشىلىق, تابيعي رەسۋرستار جانە تابيعاتتى پايدالانۋدى رەتتەۋ باسقارمالارىنا قوسىمشا قارجى بولىنگەنىن, بۇل قاراجات ءبىلىم, دەنساۋلىق ساقتاۋ, الەۋمەتتىك قورعاۋ, ءمادەنيەت سالالارىنداعى كەزەك كۇتتىرمەيتىن بىرقاتار ءمىندەتتەردى شەشۋگە باعىتتالاتىنىن ايتا كەلە, جانات عازيزۇلى, سونداي-اق, جول قوزعالىسى قاۋىپسىزدىگىن قامتاماسىز ەتۋ ءۇشىن كولىك ينفراقۇرىلىمىن دامىتۋعا جانە جاڭا اۆتوبۋستار ساتىپ الۋعا, تۇرعىن ءۇي-كوممۋنالدىق شارۋاشىلىق سالاسىن دامىتۋعا دا قاراجات قاراستىرىلعانىن, ول قالانىڭ تازالىعىنا, اۋلالاردى اباتتاندىرۋ مەن كوشەلەردى جارىقتاندىرۋعا جىبەرىلەتىنىن جەتكىزدى.
قالالىق ءماسليحاتتىڭ دەپۋتاتتارى استانا قالاسىنىڭ 2014 جىلعى بيۋدجەتىنە ەنگىزىلگەن وزگەرىستەردى ءبىراۋىزدان بەكىتتى.
سەسسيا بارىسىندا مەملەكەت مۇقتاجى ءۇشىن جەر ۋچاسكەلەرىن الۋعا بايلانىستى جەر ۋچاسكەلەرىن نەمەسە جىلجىمايتىن ءوزگە مۇلىكتەردى ساتىپ الۋ تۋرالى شارتتاردىڭ جوبالارى كەلىسىلدى.