ماۋسىم باستالعاننان بەرى قورشاعان ورتانى قورعاۋ جانە تابيعاتتى پايدالانۋ باسقارماسى «استانالىق دەزينفەكتسيا» جشس-پەن بىرلەسىپ, اۋماقتى وڭدەۋ بويىنشا ەكى تۋر وتكىزدى. ماسالار مەن شىركەيلەردىڭ جاپپاي كوبەيۋىن بولدىرماۋ ماقساتىندا قالانىڭ بارلىق اۋدانىندا دەزينسەكتسيالىق جۇمىستىڭ ەكىنشى كەزەڭى باستالدى.
ەلوردانىڭ بارلىق ءتورت اۋدانىنداعى جۇزدەن استام تاياز سۋ قويمالارى مەن باتپاقتى جەرلەر وڭدەلدى. وسىعان وراي, اشىق ستاتسيالاردى, كۆارتالىشىلىك اۋماق, كوشەلەر, ساياباقتار, گۇلزارلار, ەلدى مەكەندەر جانە ت. ب. وڭدەۋ باستالدى. ماسالار ەكوجۇيەنىڭ ءبىر بولىگى بولعاندىقتان, ولاردى تولىعىمەن جويۋعا بولمايدى, بىراق بۇل شارالار ولاردىڭ سانىن 90 پايىزعا دەيىن جويۋعا جانە ازايتۋعا مۇمكىندىك بەرەدى.
بۇل دەزينسەكتسيالىق ءىس-شارالار جاندىكتەردىڭ سانىن ازايتۋعا باعىتتالعان. جۇمىس تۇنگى ۋاقىتتا – ساعات 21.00-دەن 04.00-گە دەيىن جۇرگىزىلەدى جانە ءار تۋر ايىنا 20 كۇنگە سوزىلادى. بارلىعى وڭدەۋ 6 تۋر بويىنشا وتەدى.
ەلوردا تۇرعىندارى مەن قوناقتارىنىڭ جايلى دەمالۋى ءۇشىن ادام كوپ جينالاتىن ورىندارعا – ساياباقتارعا, جاعالاۋلارعا, گۇلزارلارعا جانە ت. ب. ەرەكشە كوڭىل بولىنەدى. بۇل جۇمىسقا 150 دەزينفەكتور, بيولوگ-ەنتومولوگ, 120 موتورلى-رانتستى بۇرىككىش, تەرموگەنەراتور, دەزينفەكتسيالىق ماشينا, دەزينفەكتسيالىق قوندىرعىسى بار موتوشاسسي جۇمىلدىرىلدى.
مامانداردىڭ مالىمدەۋىنشە, دەزينسەكتسيالىق ءىس-شارالاردى جۇرگىزۋ كەزىندە ساقتىق شارالارىن ساقتاۋ ماڭىزدى. اتاپ ايتساق, وڭدەلەتىن ورىندارعا بارماعان جانە وڭدەۋ كەزىندە تەرەزەلەردى جاپقان ءجون.
دەزينسەكتسيالىق جۇمىستار ءۇشىن قۇرامىندا حلورپيريفوس جانە مالاتيون اسەر ەتۋشى زاتى بار, ادامدار مەن جانۋارلار ءۇشىن قاۋىپتىلىگى از ينسەكتيتسيدتەر قولدانىلادى. بۇل پرەپاراتتار قازاقستان اۋماعىندا قولدانۋعا رۇقسات بەرىلگەن تىزىلىمگە ەنگىزىلگەن.
