قازاقستاندىق تانىمال ورىنداۋشى ديماش قۇدايبەرگەنوۆتىڭ كونتسەرتى قارساڭىندا ەلوردادا ونىڭ شىعارماشىلىعىنا ارنالعان سۋرەت بايقاۋى جاريالاندى. وتىنىمدەردى قابىلداۋ 20 ماۋسىمعا دەيىن «ماڭگىلىك ەل» قاقپاسىنىڭ اكىمشىلىگىندە جۇرگىزىلەدى.
بايقاۋعا كاسىپقوي جانە اۋەسقوي سۋرەتشىلەر, ارنايى وقۋ ورىندارىنىڭ ستۋدەنتتەرى, ساندىك-قولدانبالى ونەر شەبەرلەرى جانە باسقالارى قاتىسا الادى. قاتىسۋشىلارعا ەشقانداي شەكتەۋ قويىلمايدى. بايقاۋعا كارتينالار, مۇسىندەر, كەستەلەر مەن تالانتتى ءانشىنىڭ باسقا دا تەحنيكالاردا ورىندالعان سۋرەتتەرى قاتىسادى.
ايتا كەتەيىك, ىرىكتەۋدەن وتكەن جۇمىستار 26 ماۋسىم-26 شىلدە ارالىعىندا «ماڭگىلىك ەل» قاقپاسىنداعى قازىرگى زامانعى ونەر گالەرەياسىندا كورمەگە قويىلادى. ەكسپوزيتسياعا كەلۋشىلەر مەن ديماش قۇدايبەرگەنوۆتىڭ فاناتتارى ەكسپوناتتاردى جاي كورىپ قانا قويماي, ولاردى ساتىپ الا الادى.
