نۇر-سۇلتان قالاسىندا ءدىن تانۋ ءپانى مەن پسيحولوگياعا ارنالعان سەمينار وتكىزىلدى. وعان ءدىنتانۋشى عالىمدار مەن قوعامدىق ۇيىم وكىلدەرى قاتىستى.
– بۇل – وتە ماڭىزدى تاقىرىپتاردىڭ ءبىرى. نەگە دەسەڭىز, قازىرگى جاستاردىڭ اراسىندا ءدىني راديكاليزم مەن ەكسترەميزم يدەيالارىنىڭ تارالۋى قاتتى الاڭداتادى. جالپى بۇل ءپاننىڭ مەكتەپتە وقىتىلۋىنداعى ماقسات – نەگىزىنەن جاستاردىڭ ءدىني ساۋاتتىلىعىن ارتتىرىپ, مەكتەپ وقۋشىلارىنا ءدىننىڭ باعىتتارى مەن ەرەكشەلىكتەرىن جەتە ۇعىندىرۋ بولىپ تابىلادى. ءارى ءداستۇرلى, ءداستۇرلى ەمەس دىندەردىڭ بار ەكەندىگى جونىندە كەڭىنەن مالىمەت بەرۋ» دەيدى ءدىنتانۋشى عالىم كەڭشىلىك تىشحان. «جالپى, ءدىنتانۋ ءپانىن مەكتەپتە وقىتۋ قازىرگى زامانعى ەڭ ءبىر وزەكتى ماسەلە بولىپ وتىر. ءبىز زايىرلى قوعامدا ءومىر ءسۇرىپ جاتىرمىز. سوندىقتان ءبىر دىنگە باسىمدىق بەرىلمەي, بارلىق دىندەردى تەڭ قۇرمەتتەۋ كەرەك» دەدى نۇر-سۇلتان قالاسىنىڭ باس يمامى ەربولات ءجۇسىپوۆ.
https://youtu.be/1Tg6Gn3qudE
