قالالىق ەتنومادەني ورتالىقتارى مەن قوعامدىق ۇيىمداردىڭ وكىلدەرى «دوستىق اللەياسى» اكتسياسىن وتكىزبەك.
باستاماشى توپتىڭ اراسىندا قالالىق ارداگەرلەر كەڭەسىنىڭ باسشىسى امانگەلدى سىزدىقوۆ, استانا قالالىق كاسىپوداقتار كەڭەسىنىڭ توراعاسى سارسەنباي مىڭباەۆ, «جاسىل ەل» وتريادىنىڭ مۇشەسى نۇرسۇلتان ايباتىروۆ, «وبەرەگ» ۋكراين ەتنوبىرلەستىگىنىڭ جەتەكشىسى تامارا شيرمەر, «زلاتا» بولگار ەتنومادەني بىرلەستىگىنىڭ جەتەكشىسى ولگا اندريەۆسكايا, «قىرعىزستان-استانا» قوعامدىق بىرلەستىگىنىڭ توراعاسى شاۆحات يسمايلوۆ بار.
«قالا كۇنى قارساڭىندا «دوستىق اللەياسىنا» اعاش وتىرعىزىپ, سۇيىكتى قالامىزدىڭ كوركىن ارتتىرۋعا ۇلەس قوسۋعا بۇكىل ەلوردالىقتاردى شاقىرامىز. قازاقتا «ارتىڭدا مال قالعانشا تال قالسىن» دەگەن جاقسى ءسوز بار. بۇگىن وتىرعىزعان ءبىر شىبىق تال – ەرتەڭ كولەڭكەسىندە كەلەشەك ۇرپاق سايالايتىن ورمانعا اينالادى» دەدى ىزگى ءىستىڭ باستاماشىلارى.
ايگۇل ۋايسوۆا
