جاڭالىقتار
E-يسلام پورتالى اشىلادى
ەلىمىزدە e-يسلام پورتالى اشىلادى, دەپ حابارلايدى Tengrinews.kz سايتى. «اگەنتتىكتىڭ كەلەسى جىلعى ءىرى جوبالارىنىڭ ءبىرى – ە-يسلام پورتالىن اشۋ. بيۋدجەتتەن 27 ميلليون تەڭگە قاراستىرىلدى. قازىر جوبا اياقتالا كەلدى. جىل سوڭىنا دەيىن سايتتى ىسكە قوسىپ, كەلەسى جىلى تولىققاندى پايدالانۋعا ءتيىسپىز», – دەدى قر ءدىن ىستەرى اگەنتتىگى توراعاسىنىڭ ورىنباسارى مارات ءازىلحانوۆ ءماجىلىستەگى ۇشجىلدىق بيۋدجەت جوسپارىن تالقىلاۋ بارىسىندا. مارات ءازىلحانوۆتىڭ ايتۋىنشا, سايت اقپاراتتىق-تانىمدىق باعىتتا بولادى جانە ءداستۇرلى يسلام قۇندىلىقتارىن ناسيحاتتايدى.