«ەكسپو-2017» حالىقارالىق كورمەسىنە ەكى ميلليوننان اسا ادام كەلمەك. بۇل تۋرالى «استانا ەكسپو-2017» ۇك-نىڭ كەڭەسشىسى روزا اسانباەۆا ايتتى.
«ينۆەستيتسيالار جانە دامۋ مينيسترلىگىنىڭ زەرتتەۋلەرى حالىقارالىق كورمەنى تاماشالاۋعا شامامەن 2,1 ملن ادام كەلەتىنىن بولجاپ وتىر. سونىڭ ىشىندە 2017 جىلدىڭ 10 ماۋسىمى مەن 10 قىركۇيەگى اراسىندا وتەتىن شاراعا شامامەن 300 مىڭعا جۋىق شەتەلدىك تۋريست قاتىناسادى. سونداي-اق, كورمەگە كەلۋشىلەر ەلىمىزدىڭ وزگە ايماقتارىنا دا ات باسىن بۇرماقشى. سوندىقتان بۇل باعىتتا ارنايى تۋريستىك مارشرۋتتىڭ سىزباسى جاسالىپ جاتىر» دەدى ول.
سونداي-اق, ول ۇلتتىق كومپانيانىڭ زەرتتەۋى بويىنشا قىزمەت كورسەتەتىن قوناق ۇيلەردىڭ جالپى بولمەلەر قورى 6,3 مىڭعا تەڭ كەلەدى. سوعان وراي, 2017 جىلعا قاراي قوسىمشا تاعى 73 قوناق ءۇي سالىناتىنىن دا ايتتى.
ورايى كەلگەندە ايتا كەتەيىك, حالىقارالىق تاجىريبە كورسەتكەنىندەي, ەكسپو سەكىلدى حالىقارالىق كورمەلەر وتكىزۋ تۋريزم سالاسىن عانا ەمەس, سونىمەن بىرگە, ەكونوميكانىڭ باسقا دا سالالارىن دامىتۋعا ايتارلىقتاي سەرپىن بەرەرى ءسوزسىز.
مەيىرحان مەڭدىۇلى
