استانادا ەكولوگيالىق ءبىلىمدى ناسيحاتتاۋعا ارنالعان «ەكومەكتەپ» كىتابىنىڭ تۇساۋكەسەرى ءوتتى, دەپ حابارلايدى astana-akshamy.kz
ەلوردادا كەشە «قازاقستاندا ەكولوگيالىق اعارتۋدى ىلگەرىلەتۋ» تاقىرىبىندا كونفەرەنتسيا ءوتتى. شاراعا عالىمدار, ەكولوگتار, مەكتەپ ديرەكتورلارى مەن مەملەكەتتىك ورگانداردىڭ وكىلدەرى قاتىستى. قاتىسۋشىلار ەكولوگيالىق قاۋىپسىزدىكتىڭ وزەكتى ماسەلەلەرىن تالقىلادى. جيىندا كوپشىلىككە «ەكومەكتەپ» يننوۆاتسيالىق ءبىلىم بەرۋ كۋرسى تانىستىرىلدى.
«ەكومەكتەپ» كىتابى – 1-4 جانە 5-9 سىنىپ وقۋشىلارى ءۇشىن ارنايى ازىرلەنگەن بىرەگەي كىتاپ. ول قورشاعان ورتانىڭ ءارتۇرلى تۇجىرىمدامالارىن, پراكتيكالىق كەڭەستەردى, نۇسقاۋلاردى تۇسىنىكتى ءارى قولجەتىمدى تۇردە ۇسىنادى.
قازاقستان ەكوقورىنىڭ جەتەكشىسى ايگۇل ابدۋاليەۆا اتالعان ءىس-شارانىڭ ەرەكشەلىگىن جانە جاستاردىڭ ەكولوگيالىق باستامالارعا قاتىسۋىنىڭ ماڭىزدىلىعىن اتاپ ءوتتى.
«ەكومەكتەپتىڭ ماقساتى – وقىرمانداردى ءىس-ارەكەتكە شابىتتاندىرۋ جانە ىنتالاندىرۋ. بۇل كىتاپ تەك اقپارات بەرىپ قانا قويمايدى, ول سونىمەن قاتار قورشاعان ورتانى قورعاۋعا باعىتتالعان وزگەرىستەرگە اكەلەدى. كىتاپ كۇندەلىكتى ادەتتەردى ەكولوگيالىق تۇراقتى ءومىر سالتىنا وزگەرتۋگە كومەكتەسەتىن پراكتيكالىق كەڭەستەر مەن نۇسقاۋلاردى ۇسىنادى. ءبىز ءاربىر كىشكەنتاي ارەكەتتىڭ ءبىزدىڭ عالامشارىمىز ءۇشىن ۇلكەن وزگەرىستەر اكەلۋى مۇمكىن دەپ سانايمىز جانە بارشانى قورشاعان ورتانى قورعاۋعا قوسقان ۇلەستەرى تۋرالى ويلانۋعا شاقىرامىز», – دەدى ايگۇل ابدۋاليەۆا.
ايتا كەتسەك, بۇل ءىس-شارا قر مادەنيەت جانە اقپارات مينيسترلىگى مەن «ازاماتتىق قولداۋ ورتالىعى» كەاق قولداۋىمەن قازاقستاننىڭ ەكولوگيالىق قورىنىڭ «ەكولوگيالىق مادەنيەتتى ارتتىرۋ جانە جاستار مەن بالالار ءۇشىن قولايلى ەكولوگيالىق جاعدايلار جاساۋ جونىندەگى كەشەندى شارالار» اتتى جوباسى اياسىندا جۇزەگە اسىرىلدى.
