نۇر-سۇلتاندا ەكپە العاندار اراسىنداعى ەكى بولمەلى پاتەردىڭ ۇتىس ويىنى بۇگىن ساعات 14:10-دا «حابار» تەلەارناسىنىڭ تىكەلەي ەفيرىندە وتەدى.
ەكى بولمەلى پاتەر سارىارقا اۋدانىندا, ەسىل وزەنىنىڭ جاعاسىنان 900 مەتر قاشىقتىقتاعى «ريو-دە-جانەيرو» تۇرعىن ءۇي كەشەنىندە ورنالاسقان. دەمەۋشىسى – «G-Park» قۇرىلىس كومپانياسى. ەكى بولمەلى پاتەردىڭ اۆتوماتتى ۇتىس ويىنىنا 2021 جىلدىڭ 25 ماۋسىمى مەن 28 قىركۇيەگى ارالىعىندا قالالىق ۆاكتسيناتسيا نۇكتەلەرىنىڭ كەز كەلگەنىندە, مەديتسينالىق مەكەمەلەردە, ساۋدا, ويىن-ساۋىق ورتالىقتارىندا ەكپەنىڭ ءبىرىنشى كومپونەنتىن العان 18 جاستان اسقان تۇرعىندار قاتىسادى. سونىمەن قاتار تىكەلەي ەفيردە ءۇش iPhone12, توڭازىتقىش, تەلەديدار, قىسقا تولقىندى پەش, شاڭسورعىش, ۇتىك, فەن جانە تاعى باسقا باعالى سىيلىقتار ويناتىلادى.
