استانا قالاسى ءماسليحاتىنىڭ دەپۋتاتتارى قىتاي حالىق رەسپۋبليكاسىنىڭ حەيلۋنتسزيان پروۆينتسياسىنان كەلگەن دەلەگاتسيامەن كەزدەستى.
ەكى جاقتى دوستىق قارىم-قاتىناس ورناتۋ ماقساتىندا وتكەن كەزدەسۋ بارىسىندا ءماسليحات حاتشىسى جانات نۇرپەيىسوۆ قىتايلىق ارىپتەستەرىن ەلوردالىق وكىلەتتى ورگان اينالىساتىن ءماسەلەلەرمەن تانىستىردى.
ءماسليحات حاتشىسى قوناقتارعا ەلوردا دامۋىنىڭ نەگىزگى الەۋمەتتىك-ەكونوميكالىق كورسەتكىشتەرىن ايتىپ, ەكسپو-2017 حالىقارالىق مامانداندىرىلعان كورمەسىن وتكىزۋگە بايلانىستى الداعى ءىس-شارالارعا تولىعىراق توقتالدى.
استانا قالاسى ءماسليحاتىنىڭ حاتشىسى قىتاي حالىق رەسپۋبليكاسى ەلىمىزدىڭ باستى ارىپتەستەرىنىڭ ءبىرى بولىپ تابىلاتىنىن اتاپ ءوتتى. قازاقستان مەن قىتاي اراسىندا ەكى جاقتى ءوزارا قارىم-قاتىناستىڭ بارلىق باعىتتارى بويىنشا ءوزارا ءتيىمدى ىنتىماقتاستىق بەلسەندى دامىپ كەلەدى. قحر قالالارىمەن جانە پروۆينتسيالارىمەن دوستىق بايلانىس ورناتۋ اياسىندا استانا مەن بەيجىڭ جانە ءۇرىمشى قالالارىنىڭ اراسىندا تىعىز باۋىرلاستىق قارىم-قاتىناس ورنادى.
قىتايلىق دەلەگاتسيانى باستاپ كەلگەن حەيلۋنتسزيان پروۆينتسياسىنىڭ حالىقتىق ساياسي كونسۋلتاتيۆتىك كەڭەسى توراعاسىنىڭ ورىنباسارى دۋ تسزيمين دەلەگاتسيا مۇشەلەرىن تانىستىردى. دەپۋتاتتارعا جىلى قابىلداعانى ءۇشىن ريزاشىلىعىن ءبىلدىرىپ, حەيلۋنتسزيان پروۆينتسياسىندا دامىعان نەگىزگى سالالارعا توقتالدى.
قىتايلىق كاسىپكەرلەر استانا قالاسىنىڭ اۋماعىندا جۇزەگە اسىرىلىپ جاتقان «استانانىڭ جاڭا كولىك جۇيەسى. LRT 1-كەزەك» جوباسىنا قىزىعۋشىلىق تانىتتى. قوناقتار ەكسپو-2017 حالىقارالىق كورمەسىنە تىكەلەي قاتىسۋعا نيەت ءبىلدىردى جانە استانا قالاسىنىڭ اۋماعىندا حەيلۋنتسزيان پروۆينتسياسىنىڭ اپتالىعىن وتكىزۋدى ۇسىندى.
