ەكسپو-2017 كورمەسى بارىسىندا مايك تايسون, گەننادي گولوۆكين جانە ت.ب. تانىمال بىلعارى قولعاپ شەبەرلەرىنىڭ قاتىسۋىمەن كاسىبي بوكس كەشتەرى, سونداي-اق World Boxing Council مەرەيتويلىق 55-ءشى كونۆەنتسياسى ۇيىمداستىرىلادى.
اتالعان شارالار استانا قالاسىنىڭ اكىمدىگى, «استانا ەكسپو-2017» ۇك» اق, «قازاقستان رەسپۋبليكاسىنىڭ بوكس فەدەراتسياسى» قوعامدىق بىرلەستىگى, World Boxing Council جانە «Diamond Ring Promotions» جشس اراسىندا قول قويىلعان كاسىبي بوكس سالاسىنداعى ىنتىماقتاستىق تۋرالى بەس جاقتى مەموراندۋم اياسىندا وتكىزىلمەك.
– ەكسپو-2017 – قازاقستان استاناسىندا وتكىزىلەتىن وتە كۇشتى الەمدىك وقيعا. كورمە شەڭبەرىندە كوپتەگەن ءىرى ءىس-شارالار دايىندالىپ جاتىر, ونىڭ ىشىندە حالىقارالىق الەمدىك پىشىندە وتەتىندەرى دە بار. اتالعان مەموراندۋم ەكسپو-2017 دايىندالىپ جاتقان ءىس-شارالار كەشەنىندە ءوزىنىڭ ەرەكشە ورنىن الادى دەپ سانايمىن» – دەپ اتاپ ءوتتى استانا قالاسى اكىمىنىڭ ورىنباسارى ەرمەك امانشاەۆ.
World Boxing Council مەرەيتويلىق كونۆەنتسياسىنا الەمنىڭ 165 ەلىنەن دەلەگاتتار قاتىسادى.
ەسكە سالايىق, حالىقارالىق مامانداندىرىلعان كورمە استانا قالاسىندا 2017 جىلعى 10 ماۋسىمنان 10 قىركۇيەك ارالىعىندا وتەدى.
astana.gov.kz
