بۇگىندە كورمەگە 150 كاسىبي گيد-ەكسكۋرسوۆود دايىندالعان. ولاردىڭ بارلىعى وقىتۋ, قوناقجايلىلىق تانىتۋ بويىنشا ترەنينگتەردەن وتكەن جانە 11 ءتىلدى ەركىن مەڭگەرگەن. بۇل جايىندا استانا قالاسى اكىمدىگىنىڭ مەديا ورتالىعىنا «استانا كونۆەنشن بيۋرو» جشس ديرەكتورىنىڭ ورىنباسارى اسقار ادامبەكوۆ مالىمدەدى.
«تاڭداۋ بايقاۋ بويىنشا جۇرگىزىلدى. تەك شەت ءتىلىن جەتىك بىلەتىندەردى عانا الدىق. نەگىزىنەن, گيد-اۋدارماشىلاردىڭ باسىم بولىگى 6 ءتىل بىلەدى, الايدا اراسىندا 11 تىلدە سويلەي الاتىن پوليگلوتتار بار. نەگىزىنەن, قىتاي, تۇرىك, اعىلشىن, جاپون, فرانتسۋز, كورەي, يسپان جانە وزگە دە تىلدەردى مەڭگەرگەندەر. سونىمەن قاتار, استانانىڭ تاريحى, كورىكتى جەرلەرى تۋرالى ايتىپ بەرەتىن جول كورسەتۋشىلەر جۇمىس ىستەيدى» دەيدى ول.
