تاۋەلسىزدىك كۇنى مەرەكەسىنە وراي ورتالىق قالالىق كىتاپحانادا «ەلىمنىڭ تاريحى – ەلتاڭبا» اتتى سالتاناتتى شارا ءوتتى.
قالامىزدىڭ مەكتەپ وقۋشىلارى ەلتاڭبا اۆتورلارىنىڭ ءبىرى جانداربەك مالىبەكوۆپەن كەزدەستى. كەزدەسۋ كەشى قازاقستان رەسپۋبليكاسىنىڭ مەملەكەتتىك انۇرانىمەن اشىلدى. وقۋشىلارعا ەلتاڭبانىڭ ماعىناسى مەن مازمۇنىن تۇسىندىرگەن جانداربەك مالىبەكوۆ ءوزىنىڭ بۇل تۋىندىسىن «تاۋەلسىزدىككە قوسقان ۇلەسىم» دەدى. سونداي-اق, اتاقتى ساۋلەتشى ەلتاڭبانىڭ دۇنيەگە كەلۋ تاريحىن وقۋشىلارعا بايانداپ, وقۋشىلاردىڭ تۇرلى ساۋالدارىنا جاۋاپ بەردى. كەزدەسۋ سوڭىندا وقۋشىلار ءوز ونەرلەرىن كورسەتىپ, پاتريوتتىق اندەردى شىرقادى.
حاميت ەسامان
