باستى اقپارات
ەلباسى باق وكىلدەرىمەن كەزدەستى
مەملەكەت باسشىسى جىل قورىتىندىسى بويىنشا ەلىمىزدىڭ بۇقارالىق اقپارات قۇرالدارى وكىلدەرىمەن كەزدەستى.
كەزدەسۋدە نۇرسۇلتان نازارباەۆ بيىل ەلىمىزدە بولعان ماڭىزدى وقيعالاردى قورىتىندىلاپ, جۋرناليستەردىڭ سۇراقتارىنا جاۋاپ بەردى. اتاپ ايتقاندا, قازاقستان پرەزيدەنتى مەملەكەتىمىزدىڭ الەۋمەتتىك-ەكونوميكالىق دامۋىنىڭ نەگىزگى ناتيجەلەرى تۋرالى اڭگىمەلەپ, جاڭعىرۋ جونىندەگى رەفورمالار مەن باعدارلامالاردى ىسكە اسىرۋدى ودان ءارى جالعاستىرۋدىڭ ماڭىزدىلىعىن اتاپ ءوتتى.
مەملەكەت باسشىسى قازاقستاننىڭ سىرتقى ساياسات سالاسىنداعى باستى جەتىستىكتەرى تۋرالى ايتىپ, جاقىندا بولعان كادرلىق وزگەرىستەرگە بايلانىستى تۇسىنىكتەمە بەردى, سونداي-اق سىرتقى ىستەر مينيسترلىگى الدىندا تۇرعان جاڭا مىندەتتەرگە توقتالدى.