نۇرسۇلتان نازارباەۆ ەلوردانىڭ العاشقى قۇرىلىسىنا اتسالىسۋشىلارمەن كەزدەسىپ, ريزاشىلىعىن ءبىلدىردى.
كەزدەسۋ بارىسىندا قازاقستاننىڭ تۇڭعىش پرەزيدەنتى ۇزەڭگىلەستەرىمەن بىرگە ەلوردانىڭ قۇرىلۋى جانە دامۋ تاريحىنا ارنالعان كورمەنى ارالادى. وندا ەلباسى كىتاپحاناسىنىڭ مۋزەيى, مۇراعاتى جانە كىتاپحاناسى قورىنان مىڭعا جۋىق ەكسپوزيتسيا قويىلعان.
سونىمەن قاتار, قازاقستاننىڭ تۇڭعىش پرەزيدەنتى استانانىڭ العاشقى قۇرىلىسىنا اتسالىسۋشىلارعا ارنايى «نازارباەۆ ورتالىعىنىڭ» ەكسپوزيتسيالىق الاڭىندا ەكسكۋرسيا وتكىزدى.
سونداي-اق ەلباسى ەلوردانى الماتىدان اقمولا قالاسىنا كوشىرگەن كەزدەر جايلى ەستەلىكتەرىمەن ءبولىستى.
– جاقىن سەرىكتەستەرىم مەن ادال ۇزەڭگىلەستەرىمدى كورگەنىمە وتە قۋانىشتىمىن. سىزدەر اسەم قالامىزدى سالۋ بارىسىندا ارقاشان ماعان سەنىمدى قولداۋ كورسەتتىڭىزدەر, – دەدى نۇرسۇلتان نازارباەۆ.
