تۋريستەر ءۇشىن ەڭ قاۋىپتى ەل – تايلاند
بريتانيالىق Endsleigh Insurance Services قامسىزداندىرۋ كومپانياسى الەمدەگى قاۋىپتى باعىتتاردى انىقتادى.
كومپانيانىڭ مالىمەتتەرى بويىنشا, 2017 جىلى تۋريستەرگە قاتىستى قورقىنىشتى وقيعالاردىڭ شيرەك بولىگىنە جۋىعى (23%) تايلاندتا ورىن العان.
قاۋىپتىلىك كەسپىرى جاعىنان ەكىنشى جانە ءۇشىنشى ورىنداردى چيلي مەن اقش ءبولىسىپ وتىر. بۇل ەلدەردەگى قورقىنىشتى جاعدايلار 15 پايىزدى قۇرايدى. ال يسپانيا, گەرمانيا, نەپال جانە پەرۋ مەملەكەتتەرىندە ول 8 پايىزدان قايىرىلادى.
زەرتتەۋ ساياحاتتارداعى بارلىق قامسىزداندىرۋ شىعىندارىنىڭ تورتتەن ۇشكە جۋىق بولىگى (71%) شۇعىل مەديتسينالىق كومەك كورسەتۋمەن بايلانىستى ەكەنىن انىقتادى.
لاتۆيا ورىس تىلىنە وشتەسىپ تۇر
لاتۆيا سەيمى بەيسەنبى كۇنى جەكە جوعارى وقۋ ورىندارى مەن كوللەدجدە ورىس تىلىنەن ساباق بەرۋگە تىيىم سالدى.
ەۋروپارلامەنتتىڭ دەپۋتاتى جانە لاتۆياداعى ورىس وداعىنىڭ تەڭ توراعاسى ميروسلاۆ ميتروفانوۆ بۇل تىيىمنىڭ بيلىك رەسپۋبليكاداعى ورىس ءتىلى مەن مادەنيەتىنە قاتىستى نارسەلەردىڭ ءبارىن جويماي توقتامايتىنىن كورسەتەتىنىن ايتتى.
«اڭ توقتامايدى, ول ورىسقا تيەسىلىنىڭ ءبارىن قيراتىپ, سوڭىنا تۇسەدى, ءسويتىپ, ۋنيۆەرسيتەتتەردە ورىس ءتىلىن وقىتۋعا تى يىم سالۋدان باستاپ, ورتا مەكتەپتەردە ورىس ءتى لىنەن ساباق بەرۋگە دەيىن تۇگەل جويادى» دەدى ول.
ساياساتكەر جاعدايدى تەك قانا بەيبىت جولمەن جاسالاتىن شەرۋلەر, جاپپاي كوشەگە شىعۋلار ارقىلى عانا شەشۋگە بولاتىنىن باياندادى. «بۇل جاعدايدا حالىقارالىق ۇيىمدارعا شاعىم ايتۋ جەتكىلىكسىز» دەدى ساياساتكەر.
تريبۋنال پوروشەنكوعا قاتقىل ءتيدى
لۋگانسكىدە وتكەن ۋكراين حالىق تريبۋنالىنىڭ وتىرىسى پەتر پوروشەنكونى ءومىر بويى تۇرمەدە وتىرۋ جازاسىنا كەستى.
تريبۋنال ۋكراينا پرەزيدەنتىن دونباستاعى اسكەري قىلمىستارعا تىكەلەي جاۋاپتى دەپ تاۋىپ, وعان سىرتتاي وسىنداي ۇكىم شىعاردى. وتىرىستا بۇدان بولەك, ۋكراينا ىشكى ىستەر ءمينيسترى ارسەن اۆاكوۆ, ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكساندر تۋرچينوۆ, جوعارعى رادانىڭ سپيكەرى اندري پارۋبي, قورعانىس ءمينيسترى ستەپان پولتوراك جانە قارۋلى كۇشتەر باس شتابىنىڭ باستىعى ۆيكتور مۋجەنكو, سونداياق بۇرىنعى پرەمەر-مينيستر ارسەني ياتسەنيۋك پەن قازىرگى ءىس باسىنداعى ۇكىمەت باسشىسى ۆلاديمير گرويسمان اسكەري قىلمىسكەرلەر دەپ تابىلىپ, بارلىعى دا ءومىر بويى تۇرمەدە وتىرۋ جازاسىنا سىرتتاي تارتىلدى.
بۇل – ەكىنشى وتىرىس. ءبىرىنشىسى 2627 ناۋرىزدا دونەتسكىدە ءوتتى. وندا تريبۋنال ۋكراين بيلىگىنىڭ پرەزيدەنت باستاعان 8 لاۋازىمدى تۇلعاسىنا ايىپ تاقتى. ول اسكەري قىلمىستىڭ ايعاعى رەتىندە 2014 جىلدان بەرى جينالعان ماتەريالداردى ۇسىندى.
سەرىك ءپىرنازار
