كەشە باس پروكۋراتۋرا مەن قر ءىىم استانا قالاسى اكىمىنىڭ قولداۋىمەن جۇزەگە اسىرىلاتىن «ەلەكتروندى حاتتاما» جوباسىن تانىستىردى.
بۇدان بىلاي پوليتسيا قىزمەتكەرلەرى جول ەرەجەسىن بۇزعان ازاماتتارعا حاتتاما تولتىرىپ, ۋاقىت وتكىزبەيتىن بولدى. بار بولعانى 3-5 مينۋت ىشىندە قۇجاتىڭىزداعى جسن ءنومىرىن پلانشەتكە ەنگىزىپ, ەلەكتروندى قولتاڭبا ارقىلى ايىپپۇل سالا الادى.
دۇيسەنبىدە استانا قالاسىنىڭ اكىمى اسەت يسەكەشەۆتىڭ قاتىسۋىمەن قۇقىق قورعاۋشىلارعا ەلەكتروندى حاتتامانى تولتىرۋعا ارنالعان 50 پلانشەت تابىستالدى. جىل سوڭىنا دەيىن تاعى 150 پلانشەت بەرۋ كوزدەلىپ وتىر. بۇعان قوسا, حاتتامانىڭ كوشىرمەسىن باسىپ بەرەتىن تەرموپرينتەرلەر دە بار.وسىنىڭ ارقاسىندا كولىك جۇرگىزۋشىلەرى دە, ىشكى ىستەر ورگاندارى دا ءبىرجولاتا قاعازباستىلىقتان قۇتىلاتىن بولدى. ەلەكتروندى حاتتامانىڭ ايىپپۇلىن ينتەرنەت نەمەسە بانك ارقىلى تولەۋگە بولادى. الداعى ۋاقىتتا پوست-تەرمينالدار ارقىلى تولەۋ قىزمەتىن دە ەنگىزۋ جوسپاردا بار.
– الدا تاعى قۇرىلىس, جەر قاتىناستارى, پيك, ءبىلىم بەرۋ, دەنساۋلىق ساقتاۋ بويىنشا 20 جوبانى ىسكە اسىرۋدى قولعا الدىق. ونىڭ بارلىعى تۇرعىنداردىڭ مەملەكەتتىك قىزمەتتى تەز ءارى وڭاي پايدالانۋى ءۇشىن جاسالىپ وتىر, – دەدى قالاباسشىسى اسەت يسەكەشەۆ.
