ەلوردا اكىمدىگى «استانا – دەنى ساۋ جانە سپورتپەن شۇعىلداناتىن ادامدار قالاسى» اكتسياسىن قورىتىندىلادى

ەلوردا اكىمدىگى «استانا – دەنى ساۋ جانە سپورتپەن شۇعىلداناتىن ادامدار قالاسى» اكتسياسىن قورىتىندىلادى. ونىڭ ماقساتى – ەلوردالىقتاردى سپورتقا باۋلۋ. مەملەكەت باسشىسى اتاپ وتكەندەي: دەنى ساۋ ۇلت – قازاقستاننىڭ جەتىستىككە جەتۋىنىڭ كەپىلى». قازاقستان رەسپۋبليكاسى پرەزيدەنتىنىڭ تاپسىرمالارى اياسىندا ماڭىزدى مىندەت قويىلدى – 2020 جىلعا قاراي حالىقتىڭ 30%-ىن دەنە شىنىقتىرۋ مەن سپورتقا تارتۋ. وسىعان بايلانىستى ءبىر اي بويى ەلوردالىق سپورت الاڭدارى مەن ساياباقتاردا ءتۇرلى بۇقارالىق سپورتتىق جارىستار ۇيىمداستىرىلدى, وعان 50 مىڭنان استام قالا تۇرعىنى قاتىستى.

ءار دەمالىس سايىن استانانىڭ 9 پاركىندە ساعات 18.00-20.00 ارالىعىندا زىلتەمىر, گىر كوتەرۋدەن جارىستار, ستريتبول, شاحماتتان سايىستار, ارقان تارتۋ, سونداي-اق, وتباسىلارعا ارنالعان «كوڭىلدى ستارتتار» وتكىزىلدى.

فۋتبول مەن حوككەيدەن جارىستار قاتىسۋشىلاردىڭ ەرەكشە قىزىعۋشىلىعىن وياتتى, اتۋ, شاحمات, توعىزقۇمالاق, كروسسفيت, جۇردەك مانەرلەپ كولىك جۇرگىزۋدەن دە سايىستار ۇيىمداستىرىلدى. سپورت ارداگەرلەرى مەن اۋەسقويلارى ۆەلوسپورتتان قازاقستان كۋبوگىنىڭ ءىى كەزەڭى اياسىندا بۇقارالىق جارىسقا قاتىستى. اكتسياعا «داۋەت» جانە «بارىس» سپورت كەشەندەرى دە اتسالىستى. «استانا مارافون – 2016» حالىقارالىق قايىرىمدىلىق جۇگىرۋىنە 4500 ارتىق ادام قاتىستى. سونىڭ ىشىندە مەملەكەتتىك قايراتكەرلەر, ەلشىلىكتەر مەن حالىقارالىق كومپانيالاردىڭ قىزمەتكەرلەرى – الەمنىڭ 23 مەملەكەتىنىڭ وكىلدەرى بار.

سونىمەن قاتار, «قازانات» اتشابارىندا ۇلتتىق سپورت تۇرلەرىنەن قر تاۋەلسىزدىگىنىڭ 25 جىلدىعىنا ارنالعان ءبىرىنشى «استانا جۇلدىزى» رەسپۋبليكالىق ءتۋرنيرى ءوتتى. تۋرنيرگە ەلىمىزدىڭ وڭىرلەرىنەن جۇزدەن استام سپورتشى قاتىستى.

«ۇلتتىق سپورت تۇرلەرى ءبىزدىڭ تەرەڭ تاريحىمىز بەن مادەنيەتىمىزدىڭ اجىراماس بولىگى. استانا قالاسىنىڭ اكىمدىگى ۇلتتىق سپورت ويىندارىنىڭ جاندانۋىنا, بۇقارالىق سپورتتى دامىتۋعا جانە سالاۋاتتى ءومىر سالتىن قالىپتاستىرۋعا ۇنەمى قولداۋ كورسەتىپ كەلەدى. وسى ماقساتتا جىل سايىن ەلوردادا 200 استام شارا مەن ۇلتتىق ويىنداردان جارىستار وتكىزىلەدى. ەندى وسى جوبانى دا جۇزەگە اسىردىق. ەلوردا اكىمدىگى الداعى ۋاقىتتا دا وسىنداي جوبالاردى قولداپ, ۇلتتىق سپورت تۇرلەرى مەن سالت-داستۇرلەرىمىزدى ناسيحاتتاۋعا كوڭىل بولەتىن بولادى», – دەپ اتاپ ءوتتى اسەت يسەكەشەۆ.

استانا اكىمىنىڭ ايتۋىنشا, «قازانات» اتشابارىندا جالپى كوپشىلىكتى ۇلتتىق سپورت تۇرلەرىنە باۋليتىن ارنايى ورتالىق اشۋ جوسپارلانىپ وتىر. جالپى الداعى ەكى جىلدا استانا اكىمدىگى بۇقارالىق سپورتتى دامىتۋ ءۇشىن 22 سپورت الاڭىن سالادى.

astana.gov.kz