استانادا كۇن رايىنا بايلانىستى دابىل قاعىلدى
قازگيدرومەتتىڭ مالىمەتى بويىنشا 2018 جىلدىڭ 6 ناۋرىزىندا استانادا كوشپەلى بۇلت شىعىپ, كۇندىز قار ارالاس جاڭبىر جاۋادى, كوكتايعاق بولادى دەپ كۇتىلۋدە. بۇل تۋرالى استانا قالاسى توتەنشە جاعدايلار دەپارتامەنتى حابارلايدى.
وڭتۇستىك- شىعىستان وڭتۇستىك-باتىسقا اۋعان جەلدىڭ جىلدامدىعى تاڭەرتەڭ 9-14 م/س, كۇندىز 15-20 م/س قۇراپ, ونىڭ ەكپىنى 23-28 م/س-قا دەيىن جەتەتىن بولادى. تۇندە سىناپ باعاناسى – 4-6 گرادۋس ايازدى, كۇندىز +3-5 گرادۋس جىلىلىقتى كورسەتەدى دەپ بولجانۋدا.
ساباقتىڭ وتكىزىلمەيتىندىگى جونىندەگى شەشىم شىعارىلعان جاعدايدا, اقپارات بەكىتىلگەن الگوريتمگە سايكەس ءبىرىنشى اۋىسىمنىڭ وقۋشىلارى ءۇشىن ساعات 06:15-تە, ەكىنشى اۋىسىمنىڭ وقۋشىلارى ءۇشىن ساعات 12:00-دە بەرىلەتىن بولادى.
اقپارات رەسمي ينتەرنەت-رەسۋرسىندا (bilim.astana.kz ) جانە Facebook الەۋمەتتىك جەلىسىندەگى استانا قالاسى ءبىلىم باسقارماسىنىڭ پاراقشاسىندا (https: //ww.facebook.com/bilimastana ) جاريالانىپ, مەكتەپتەردىڭ جەتەكشىلەرىنە, باق-نا تاراتىلادى.
اۋا رايىنىڭ قولايسىزدىعىنا بايلانىستى قۇتقارۋشىلار قىزمەتتىڭ كۇشەيتىلگەن رەجيمىنە كوشەدى. ەلوردا اكىمدىگى قالا تۇرعىندارى مەن قوناقتارىن استانالىق تجد-ءنىڭ ۇسىنىستارىن نازارعا الۋدى سۇرايدى:
– مۇقيات بولىڭىز, اۋا-رايىنىڭ وزگەرۋى تۋرالى اقپاراتتى جانە ەنگىزىلگەن شەكتەۋلەردى ءجىتى قاداعالاڭىز;
– جەلدىڭ كۇشەيۋى كەزىندە عيماراتتان شىقپاۋعا تىرىسىڭىز;
– بالالاردى ەرەكشە باقىلاۋعا الىڭىز جانە قاراۋسىز قالدىرماڭىز;
– كوشەدە باعانداردان, اعاشتاردان, جارنامالاردان, ەجج جانە سىمداردان الىس جۇرۋگە تىرىسىڭىز. ەگەر قاتتى جەلدە ءسىز كوشەدە قالىپ قويساڭىز, عيماراتتاردىڭ كىرەبەرىسىن جانە جەر استى وتپە جولىن پانالاڭىز;
– جەكە اۆتوكولىگىڭىزدى اعاشتار مەن ەسكى قۇرىلىستاردان الىس قويىڭىز.
– بالكونىڭىزعا تەكسەرۋ جۇرگىزىڭىز. بالكون قابىرعاسىنا جىپپەن بايلاۋ ارقىلى بارلىق جەڭىل جانە كولەمدى زاتتاردى بەكىتىڭىز نەمەسە بولمەڭىزگە كىرگىزىڭىز. اينەكتى بارىنشا سىنۋدان قورعاڭىز جانە تەرەزە جاقتاۋلارىن بەكىتىڭىز;
– -جىلىتۋ پەشتەرى مەن تۇرمىستىق جىلىتۋ قۇرىلعىلارىن قولدانۋ كەزىندە ءورت قاۋىپسىزدىگى ەرەجەلەرىن ساقتاڭىزدار!
توتەنشە جاعداي تۋىنداعان جاعدايدا «112» نومىرىنە قوڭىراۋ شالىڭىز!