ەلوردادا تاريحي ءمانى زور ەسكەرتكىشتەر كوپ. ەسiلدىڭ وڭ جاعىنداعى حان كەنەنىڭ, كەرەي مەن جانىبەك حانداردىڭ ەسكەرتكىش مۇسىندەرى مەن «اشارشىلىق قۇرباندارىنا ەسكەرتكىش» وسكەلەڭ ۇرپاققا ەل تاريحىنان ماعلۇمات جانە ەلوردامىزعا اجار بەرىپ تۇر. 
«وتان-انا» مەموريالى – جوڭعار شاپقىنشىلىعى مەن ۇلى وتان سوعىسىندا قازا تاپقاندارعا قۇرمەت. ايەلدىڭ قولىنداعى شارا – بەيبىت كۇن مەن بەرەكەنىڭ سيمۆولى. بارەلەفتىڭ وڭ جاعىندا كەڭەس اسكەرى, ال سول جاعىندا جوڭعار شاپقىنشىلىعىندا ەلدى قورعاعان قازاق باتىرلارى بەينەلەنگەن. 
«ماڭگىلىك ەل» قاقپاسى. سول جاق قاپتالداعى «اقساقال» ءمۇسىنى – دانالىق سيمۆولى, سول جاقتا انانىڭ رەلەفتى ءمۇسىنى بار. قابىرعالارى قازاقى ورنەكپەن بەزەندىرىلىپ, ورتاسىنا قالقان, ەكى جاعىنا تايقازان ورناتقان. «قازاق ەلىنە مىڭ العىس» ەسكەرتكىشى وسى «ماڭگىلىك ەل» قاقپاسى مەن «بوتانيكالىق باقتىڭ» اراسىنا قويىلعان. اشارشىلىق ناۋبەتىنە ارنالعان ەسكەرتكىش كورگەن ادامدى تەبىرەنتەدى.
ابايدىڭ, تولە, قازىبەك, ايتەكە بيلەردىڭ, باۋىرجان مومىشۇلى, راقىمجان قوشقارباەۆ, ءاليا مولداعۇلوۆا جانە تاعى باسقا تۇلعالاردىڭ ەڭسەلى ەسكەرتكىشتەرى – ەلدىك پەن ەرلىكتىڭ بەلگىسى. «جەر انا» مونۋمەنتىندە ساق حانشايىمى توميريس قورعاۋشى ەكى بارىسپەن ءمۇيىزى جەتى مەترگە جۋىق بۇقانىڭ ۇستىندە تۇر, ول دا – تاريحقا تاعزىم. ال تەمىرجول ۆوكزالىنداعى «باتا» ءمۇسىنى جولاۋشىلارعا اق جول تىلەۋ نيەتىمەن قويىلعان.
جادىرا مۇراتبەكوۆا
