ۇستىمىزدەگى جىلدىڭ 8 ايىندا استانا قالاسى ءىىد قىزمەتكەرلەرى 273 مىڭنان استام اكىمشىلىك قۇقىق بۇزۋشىلىقتى تىركەدى, ونىڭ ىشىندە 264 مىڭنان استام اكىمشىلىك ءىس بويىنشا 2 ملرد تەڭگەدەن ارتىق ايىپپۇل سالىندى, 803 ملن تەڭگەدەن استام سوما ءوندىرىپ الىندى.
قازىرگى كەزدە بەس مىڭنان استام مەكەمەگە جۇمىس ورنى بويىنشا 180 ملن تەڭگەگە جۋىق سوماعا ايىپپۇل سالۋ تۋرالى 16 مىڭنان ارتىق قاۋلى جولداندى. سوت ورىنداۋشىلارىنا مىندەتتەلگەن سوممانى ءوندىرۋ ءۇشىن 700 ملن تەڭگەگە جۋىق 80 مىڭ قاۋلى جولداندى.
سوت ورىنداۋشىلارىنا ءماجبۇرلى ورىنداۋ ءۇشىن 700 ملن تەڭگەنىڭ 80 مىڭنان ارتىق قاۋلى جولداندى.
سوت ورىنداۋشىلارىنىڭ قاتىسۋىمەن اكىمشىلىك ايىپپۇلداردى تولەمەيتىن تۇلعالاردى انىقتاۋ, ولاردىڭ اۆتوكولىك قۇرالدارىن ۇستاۋ جانە ايىپ تۇراعىنا قويۋ جۇمىستارى جۇرگىزىلۋدە.
اكىمشىلىك پوليتسيانىڭ بارلىق بولىمشەلەرى ۇساق قۇقىق بۇزۋشىلىققا «نولدىك توزىمدىلىك» قاعيداتىن ىسكە اسىرۋ اياسىندا پوليتسيا قىزمەتكەرىنە ازاماتتاردا اكىمشىلىك ايىپپۇلدىڭ بولۋىن تەكسەرۋگە جانە ولاردى تولەۋ بويىنشا كەڭەس بەرۋگە مۇمكىندىك بەرەتىن باعدارلامامەن جابدىقتالعان.
astana,gov.kz
