لوندون. اعىلشىن زەرتتەۋ ينستيتۋتىنىڭ قىزمەتكەرلەرى بالمۇزداق ارقىلى كۇيزەلىسپەن كۇرەسۋگە جانە ادامنىڭ كوڭىل كۇيىن كوتەرۋگە بولاتىنىنا سەندىرۋدە.
عالىمدار سىناققا قاتىسقاندارعا بالمۇزداق جەگىزىپ, ماگنيتتىك-رەزونانستىق توموگرافيا كومەگىمەن ولاردىڭ ميىنىڭ ارەكەتىن زەرتتەگەننەن كەيىن وسىنداي تۇجىرىم جاساعان.
ەر-رياد. قاجىلىق پارىزىن وتەۋ ءۇشىن ساۋد ارابياسىنا 800 مىڭداي ادام كەلىپ ۇلگەردى.
مۇندا قاجىلارعا قىزمەت كورسەتۋ ءۇشىن 40 مىڭداي ادام جۇمىلدىرىلعان. حانزادا مۇحاممەد يبن بين ءابدى ءازيز اتىنداعى اۋەجايعا جۇما كۇنى قاجىلار مىنگەن 96-دان اسا ۇشاق قونعان. ال, جيدداداعى اۋەجاي كۇن سايىن 100-دەن اسا رەيستى قابىلدايتىن كورىنەدى.
امستەردام. نيدەرلاندى عالىمدارى كوك شاي ىشكەننەن ادام ميىنىڭ قىزمەتى جاقسارادى دەپ وتىر. گوللانديا عالىمدارى جۇرگىزگەن مۇنداي زەرتتەۋ سىناعىنا 44 ادام ءوز ەركىمەن قاتىسقان. سودان كەيىن «كوك شاي ىشكەن ەر ادامدار اقپاراتتى جاقسى قابىلداپ, ەستە ساقتاۋ قابىلەتى ارتادى» دەگەن قورىتىندى شىعارىلدى.
كينگستون. يامايكادا پوليتسيا قىزمەتكەرلەرى جەرگىلىكتى ەلدى مەكەندەگى اۆتوكولىكتى شتاتتىق تەكسەرۋ كەزىندە ءبىر تونناعا جۋىق ماريحۋانا تاركىلەدى. توقتاتىلعان ولاردىڭ بىرەۋى عانا قاماۋعا الىندى.
