استانادا «25 ىزگى ءىس» كەڭ اۋقىمدى ءىس-شاراسى جالعاسىپ جاتىر. «مەركۋري ي ك» جشس قۇرىلىس نىسانىندا (جاعالاۋ) تۇرعىندار پروفيلاكتيكالىق تەكسەرۋدەن وتكىزىلدى.
شارا بارىسىندا 100-گە جۋىق ادام تەگىن تەكسەرۋدەن ءوتىپ, تەراپەۆت, ونكولوگ, وكۋليست, لور-دارىگەرى, گينەكولوگ, ۋدز-مامانى جانە فتيزياتر ماماندارىنان كونسۋلتاتسيالار الدى.
قۇرىلىس نىسانىنىڭ قىزمەتكەرلەرى مەن جەرگىلىكتى تۇرعىندارعا قان قۇرامىنداعى قانت پەن حولەستەرين مولشەرىن انىقتايتىن ەكسپرەسس-دياگنوستيكانى پايدالانا وتىرىپ, كونسۋلتاتيۆتىك-دياگنوستيكالىق قىزمەتتەر ۇسىنىلدى, فليۋوروگرافيالىق تەكسەرۋ جۇرگىزىلدى.
استانا قالاسىنىڭ دەنساۋلىق ساقتاۋ باسقارماسى «25 ىزگى ءىس» اكتسياسىن حالىقتى ساۋىقتىرۋ جانە اۋرۋلاردىڭ الدىن الۋ ءۇشىن ۇيىمداستىرىپ وتىر.
سونىمەن قاتار, قالالىق ەمحانالاردا زەينەتكەرلەر مەن مۇگەدەكتەرگە ارنالعان اشىق ەسىك كۇندەرى وتكىزىلەدى.
astana.gov.kz
