ەل اۋماعىندا «ارىسپەن بىرگە» اتتى جالپىرەسپۋبليكالىق شارا ءالى جالعاسۋدا. زارداپ شەككەندەرگە كومەك بەرۋ قورىنا 213 ملن تەڭگە قاراجات جينالدى. باس قالادا ورنالاسقان تۇڭعىش پرەزيدەنت, مەملەكەت باسشىسى, ۇكىمەت پەن پارلامەنتتەن باستاپ مەملەكەتتىك مەكەمەلەر, قوعامدىق ۇيىمدار, ساياسي پارتيالار, كاسىپكەرلەر مەن قاراپايىم ادامدار زارداپ شەككەن تۇرعىندارعا قولىنان كەلگەنىنشە كومەگىن ءالى بەرىپ جاتىر.
نۇر-سۇلتان اكىمدىگىنىڭ, قالالىق مەكەمەلەردىڭ, كاسىپورىنداردىڭ قىزمەتكەرلەرى «ارىسپەن بىرگە» اكتسياسىنا ءۇن قوسىپ, ءبىر كۇندىك جالاقىلارىن اۋداردى. ەلوردا اكىمدىگى ارىس قالاسىنداعى 500 بالانى جازعى لاگەرگە ءبىر ايعا بارلىق قاجەتتى زاتتارىمەن (كيىم, اياق كيىم, مەكتەپكە قاجەتتى قۇرالدار) جىبەرۋگە شەشىم قابىلدادى. بۇدان بولەك, تاعى 1 مىڭ بالانى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى جازعى لاگەرمەن قامتاماسىز ەتەدى.
سونىمەن قاتار نۇر-سۇلتان قالاسىنىڭ كاسىپكەرلەرى مەن مەتسەناتتارى شارا اياسىندا زارداپ شەككەندەرگە ازىق-تۇلىك, تازالىق زاتتارى, كيىم-كەشەك, اياق كيىم, توسەك-ورىن جانە وزگە دە گۋمانيتارلىق كومەك جىبەردى. باس قالانىڭ 5 جەرىندە ارىستىقتارعا قاجەتتى زاتتاردى قابىلداۋ نۇكتەلەرى اشىلدى. ارىستاعى ۇيلەردى جانە وزگە ينفراقۇرىلىم نىساندارىن قالپىنا كەلتىرۋ ءۇشىن ەلوردادان قۇرىلىس بريگادالارى مەن قۇرىلىس ماتەريالدارى تيەلگەن جۇك كولىكتەرى اتتانادى. «قازاقستان مەديتسينا جاستارى» قوعامدىق ۇيىمى زارداپ شەككەندەرگە كومەك كورسەتۋ ءۇشىن مەدكوللەدج ستۋدەنتتەرى مەن دارىگەرلىك مەكەمەلەر قىزمەتكەرلەرى اراسىنان ەرىكتىلەردى جيناۋدا. شامامەن 40-قا جۋىق ەرىكتىلەر ارىسقا جولعا شىعادى. ىزگىلىكتى ىستەن الەۋمەتتىك جەلىلەر دە شەت قالعان جوق. «نۇر-سۇلتان قالاسى ارىسپەن بىرگە!» اتتى چەللەندجدى ىسكە قوستى. زاتتاردى قابىلداۋ نۇكتەلەرى مىنا مەكەنجايلاردا ورنالاسقان: 1. جاستار سارايى, رەسپۋبليكا د-لى, 34, 3-قابات, №306 بولمە, تەل.: 8-775-513-64-41; 2. «نۇر وتان» پارتياسىنىڭ ەلوردالىق فيليالى, تاۋەلسىزدىك د-لى, 3, №405 بولمە, تەل.: 8-775-950-02-98; 3. س.سەيفۋللين اتىنداعى قازاق اگروتەحنيكالىق ۋنيۆەرسيتەتى, جەڭىس د-لى, 62, تەل.: 48-19-10.
ارىستىقتارعا كومەك قولىن سوزۋعا ءار ادامنىڭ مۇمكىندىگى بار. ول ءۇشىن تۇركىستان وبلىستىق اكىمدىگى جانىنان اشىلعان «تۇركىستان» كورپوراتيۆتىك الەۋمەتتىك دامۋ قورىنا حابارلاسۋعا بولادى. تۇركىستان قالاسى, قىزىلوردا تاسجولى, 34 ا عيماراتى, پوشتا يندەكسى: 161200, بسن بين: 100440016000, «ForteBank» اق-تىڭ تۇركىستان قالاسىنداعى فيليالى.
