ەلوردا اكىمى التاي كولگىنوۆ اپپارات كەڭەسىن وتكىزدى. كۇن تارتىبىندە كوممۋنالدىق شارۋاشىلىق, اباتتاندىرۋ, كوگالداندىرۋ, جول-كولىك ينفراقۇرىلىمى, ەنەرگيامەن جابدىقتاۋ جانە ت.ب. ماسەلەلەر قارالدى.
اكىم قالا جولدارىندا جوندەۋ جۇمىستارىنىڭ ۋاقىتىلى جانە ساپالى جۇرگىزىلۋىنە, سونداي-اق تۇرعىندارعا قولايسىزدىق تۋعىزباس ءۇشىن ولاردى ورىنداۋ كەستەسىنىڭ ساقتالۋىنا باقىلاۋدى كۇشەيتۋ قاجەتتىگىن اتاپ ءوتتى. ەلوردا اكىمى قالانىڭ شەتكى ايماقتارىنىڭ دامۋىنا ەرەكشە نازار اۋداردى.
– اباتتاندىرۋ ماسەلەلەرىنەن باسقا, ءومىر ءسۇرۋ ءۇشىن جاعداي جاسالۋى ءتيىس. بۇل – مەكتەپتەر, اۋرۋحانالار, جاڭا جۇمىس ورىندارى, – دەپ اكىم ەلوردانىڭ تۇرعىن الاپتارىنىڭ ينفراقۇرىلىمىن دامىتۋ تۋرالى ايتىپ ءوتتى.
التاي كولگىنوۆ قالانىڭ تىنىس-تىرشىلىگىنە قاتىستى نىساندار جۇمىسىنىڭ جۇيەلى ماسەلەلەرىنە توقتالدى. اتاپ ايتقاندا, ەلەكترمەن جابدىقتاۋ نىساندارىن, ترانسفورماتورلىق جانە ەلەكتر ستانسالارىن استانا اەك بالانسىنا جەدەل بەرۋ ماسەلەلەرى قوزعالدى.
اكىم سونداي-اق كەلەسى جىلىتۋ ماۋسىمىنا دايىندىقتى باستاۋدى, وتىن تاپشىلىعىنا جول بەرمەۋ ماقساتىندا بارلىق قاجەتتى تەكسەرۋ شارالارىن جۇرگىزۋدى, كومىردى ۇزدىكسىز جەتكىزۋ ماسەلەلەرىن الدىن الا رەتتەۋدى تاپسىردى. ول جەو-نى گاز قابىلداۋعا دايىنداۋ, اگرس 1 جانە اگرس 2 بويىنشا تەكسەرۋ جۇمىستارىن جۇرگىزۋ, وتتىقتاردى اۋىستىرۋ, سونداي-اق جەو 1 مەن جەو 2-گە جەتكىزۋشى گاز قۇبىرىن جۇرگىزۋ قاجەتتىگىن اتاپ ءوتتى.
