بۇگىن استانادا تۇرمىستىق قالدىق تۇرلەرىن بولەك جيناۋ بويىنشا جوبانىڭ تۇساۋى كەسىلدى. بۇل تۋرالى «استانا-تازارتۋ» جشس باس ديرەكتورى يۆان لاۆرينەنكو حابارلادى.
– ءبىز اتالمىش ماسەلەنى تولىقتاي ءتۇسىنىپ, ساۋاتتى قاراستىرۋ ءۇشىن ەكى جىل بۇرىن پيلوتتىق جوبانى جۇرگىزگەنبىز. سونىڭ اياسىندا 4-5 اي بويى ءار قالدىق تۇرلەرىنە ارنالعان كونتەينەرلەردى ورناتتىق. ياعني, پلاستيك, قاعاز جانە شىنى ماتەريالدار بولەك تاستالۋى ءتيىس. الايدا ءىسىمىز ونبەدى. ەندى ءبىز اۋلالارعا پلاستيك سالىناتىن كونتەينەرلەر قويماقپىز. العاشىندا 50 تۇرعىن ءۇي كەشەنىنە, ال جىل سوڭىنا دەيىن ەلورداداعى بارلىق 588 تۇرعىن ءۇي كەشەنىنە ورناتامىز. كونتەينەر الاڭقايلارىنىڭ جالپى سانى 686 بولادى, – دەيدى ي. لاۆريەنكو.
كومپانيا باسشىسىنىڭ سوزىنشە, جاڭا جوبا كاسىپورىن قارجىسى ەسەبىنەن ىسكە اسادى. تەك پلاستيك قالدىقتى شىعارۋ ءۇشىن ارنايى تەحنيكا بولىنەدى. الداعى ۋاقىتتا ماكۋلاتۋرا ونىمدەرىن بولەك جيناۋ بويىنشا جۇمىستار اتقارىلماق.
بۇگىندە ەرىكتىلەر مەن الەۋمەتتىك جەلى ارقىلى شاھار تۇرعىندارىمەن تۇسىندىرمە جۇمىستارىن جۇرگىزۋ جوسپارلانۋدا. جوعارىداعى باستاما قورشاعان ورتانىڭ جاقسارۋىنا ۇلكەن ۇلەس قوسارى انىق.
بوتاگوز ماراتقىزى
