ەندى تەگىن جۇرمەيدى
جاڭا وقۋ جىلىنىڭ العاشقى كۇنىنەن باستاپ استانادا 7-15 جاس ارالىعىنداعى بالالار قوعامدىق كولىكتەردە تولىق جول ءجۇرۋ قۇنىنىڭ 50 پايىزىن تولەي باستادى. جازدا وتكىزىلگەن ارنايى اكتسيانىڭ ارقاسىندا بالالار قوعامدىق كولىكتە تەگىن جۇرگەن ەدى.
سونىمەن, مەكتەپ وقۋشىلارىنا قالالىق اۆتوبۋستاردا – 40 تەڭگە, ەكسپرەسس اۆتوبۋستاردا – 70 تەڭگە, ال قالا ماڭىنا قاتىنايتىن اۆتوبۋستاردا باعا ترانسپورتتىق ايماقتارعا بايلانىستى (1 ايماق – 40 تەڭگە, 2 ايماق – 100 تەڭگە, 3 ايماق – 150 تەڭگە, 4 ايماق – 200 تەڭگە, ايماق اراسى – 40 تەڭگە).
بۇعان قوسا, بالالارعا ارنالعان جولاقى بيلەتتەرى دە ساتىلادى: قالالىق جول ءجۇرۋ بيلەتى – 1 ايعا 1500 تەڭگە, قالا ماڭى جانە قالالىق جول ءجۇرۋ بيلەتى – 1 ايعا 2000 تەڭگە.
قالادا جول ءجۇرۋ بيلەتىن ساتاتىن پۋنكتتەردى دە جۇرتشىلىقتىڭ ەسىنە سالا كەتەيىك: ابىلايحان داڭعىلى, 29, «جىبەك جولى» ساۋدا ءۇيى («ۆسترەچا» دۇكەنى ايماعىندا). جۇمىس ۋاقىتى: 10:00-دەن 19:00-گە دەيىن. ءۇزىلىس: 14:00-دەن 15:00-گە دەيىن; ابىلايحان داڭعىلى, 57/1, استانا قالاسى قوعامدىق كولىگىن ديسپەتچەرلەندىرۋ ورتالىعى عيماراتى (9-شى شاعىن اۋدانى). جۇمىس ۋاقىتى: 9:00-دەن 19:00-گە دەيىن. ءۇزىلىس: 14:00-دەن 15:00-گە دەيىن; گەتە كوشەسى, 5, «ساپارجاي – استانا» عيماراتى (اۆتوۆوكزال). جۇمىس ۋاقىتى: 08:00-دەن 19:00-گە دەيىن. ءۇزىلىس: 14:00-دەن 15:00-گە دەيىن; بوگەنباي باتىر داڭعىلى, 68, «الەم» ساۋدا ءۇيى. جۇمىس ۋاقىتى: 10:00-دەن 20:00-گە دەيىن. ءۇزىلىس: 14:00-دەن 15:00-گە دەيىن; جەڭىس داڭعىلى, 47, «جەڭىس» ساۋدا ءۇيى. جۇمىس ۋاقىتى: 10:00-دەن 19:00-گە دەيىن. ءۇزىلىس: 14:00-دەن 15:00-گە دەيىن; قابانباي باتىر داڭعىلى, 5, «استانالىق تسيرك». جۇمىس ۋاقىتى: 10:00-دەن 19:00-گە دەيىن. ءۇزىلىس: 13:00-دەن 14:00-گە دەيىن; پەتروۆ كوشەسى, 24, ەۆرازيا سو. №051 جۇمىس ۋاقىتى: 10:00-دەن 19:00-گە دەيىن. ءۇزىلىس: 13:00-دەن 14:00-گە دەيىن; تىلەنديەۆ كوشەسى, 15, «راحمەت» سو. №124 جۇمىس ۋاقىتى: 10:00-دەن 19:00-گە دەيىن. ءۇزىلىس: 13:00-دەن 14:00-گە دەيىن.
«استانا LRT» جشس ماماندارىنىڭ مالىمەتىنشە, بۇگىنگى تاڭدا استانا قالاسىنىڭ 77960 وقۋشىسى تەگىن ترانسپورت كارتالارىن العان, ونى قوعامدىق كولىكتەردە ASTRA PLAT جۇيەسىن ىسكە اسىرۋدىڭ ەكىنشى كەزەڭى باستالعاندا, ەكسپرەسس باعىتتاردا پايدالانۋعا بولادى.
وقۋشىلار ترانسپورت كارتالارىن بالالار تاريفىمەن تولتىرىپ, ەكسپرەسس باعىتتاردا بونۋستاردى پايدالانىپ, ءبىر اۆتوبۋستان ەكىنشىسىنە تەگىن اۋىسىپ وتىرا الادى.
قوسىمشا اقپاراتتى الۋ ءۇشىن 574-777 تەلەفونىنا حابارلاسۋعا بولادى.