استاناداعى تۇرمىستىق زورلىق-زومبىلىقتان زارداپ شەككەندەرگە ارنالعان داعدارىس ورتالىعىندا وتباسى كۇنىنە وراي ارنايى سالتاناتتى شارا ءوتتى.
وعان مەملەكەتتىك ورگانداردىڭ وكىلدەرى, سونداي-اق بەلگىلى انشىلەر, تسيرك جانە قۋىرشاق تەاترىنىڭ ارتىستەرى مەن مەملەكەتتىك «ناز» بي تەاترىنىڭ بيشىلەرى قاتىستى.
استانا قالالىق اكىمدىگىنىڭ «زورلىق-زومبىلىق سالدارىنان قيىن جاعدايعا تاپ بولعان ادامدارعا ارنالعان داعدارىس ورتالىعى» كمم-ءنىڭ ديرەكتورى نۇربول زۇلقارناەۆتىڭ ايتۋىنشا, بۇگىندە مۇندا 7 ايەل, 16 بالا تۇرىپ جاتىر ەكەن. ولارعا الەۋمەتتىك قىزمەتكەرلەر, پسيحولوگتار ءتۇرلى كەڭەستەر بەرىپ, كومەك كورسەتسە, بالالارمەن تاربيەشىلەر اينالىسادى. اشىلعانىنا ءۇش جىل بولعان ورتالىقتان وسى ۋاقىتقا دەيىن 329 ادام پانا تاپقان ەكەن. ولاردىڭ 88 پايىزى وتباسىنا قايتىپ ورالعان. قالعاندارى اتا-انالارىنا نەمەسە وزدەرى كەلگەن ايماققا قايتىپ كەتەدى ەكەن. بۇرىن ورتالىقتا تۇرعان ايەلدەردىڭ قايتىپ ورالۋى تەك ءتورت رەت قانا بولعان. ويتكەنى, وتباسىنداعى بۇرىنعى جانجال قايتا تۋىنداسا كەرەك.
مەرەكەلىك شارادا انشىلەر ءان سالىپ, بيشىلەر بي بيلەپ, سونىمەن قاتار ورتالىق تۇرعىندارىنا وتباسى جىلۋى مەن باقىتىن تىلەدى.
مەڭدوللا نۇرىمۇلى
