KPMG ساياسي تۇراقتى ەلدەردىڭ يندەكسىن جاريالادى. ءتىزىمنىڭ باسىندا سينگاپۋر, سوڭىندا اۋعانستان تۇر. مۇندا قازاقستان اقش, ۇلىبريتانيا جانە باسقا دامىعان مەملەكەتتەردىڭ قاتارىندا 20-ورىنعا تۇراقتاپتى.
KPMG بۇل تالداۋىن ەكىنشى رەت وتكىزىپ وتىر. وتكەن جىلى تىزىمگە 30 مەملەكەت ەنىپ, ەلىمىز بۇدان گورى جوعارى دارەجەدە كورىنگەن بولاتىن. Oxford Economicsمەن بىرگە جۇرگىزىلىپ وتىرعان جاڭا يندەكس نۇسقاسىندا ەلدەردىڭ وزگەرىستەرگە, توسىن تابيعي اپاتتارعا قارسى تۇرار جانە جاھاندىق تەحنولوگيانىڭ تومەندەۋ دەڭگەيى, دەموگرافيا, عالامدىق باسەكەلەستىك پەن ينۆەستيتسيا اعىنى سياقتى ۇزاق مەرزىمدىك تەندەنتسيالارعا شىداس بەرۋ مۇمكىندىك قابىلەتتەرى تالدانعان.
مەملەكەتتىڭ وزگەرىستەرگە دايىندىق تالداۋى سالىستىرمالى 26 وزگەرىستى ورتانى ەنگىزدى. ولاردىڭ قاتارىندا بيزنەس-ورتانى دامىتۋ, مەملەكەتتىك ينستيتۋتتاردىڭ ارەكەتتىگى, الەۋمەتتىك الەۋەت پەن ادام كاپيتالى بار. اتالعان زەرتتەۋ الەمنىڭ ءتۇرلى ەلدەرىنەن 500-دەن اسا ساراپشىلاردان الىنعان سۇحباتتار نەگىزىندە, سونداي-اق, بۇكىلالەمدىك ەكونوميكالىق فورۋم, بۇكىلالەمدىك بانك, Economist Intelligence Unit, بۇكىلالەمدىك دەنساۋلىق ساقتاۋ ۇيىمى جانە يۋنەسكو سياقتى 70 قايتالاما وزگەرىستەردى زەردەلەۋ بارىسىندا مۇمكىن بولدى.
ءبىر ايتا كەتەرلىگى, قازاقستان – ەڭ تۇراقتى 20 ەل قاتارىنا ەنگەن تمد-داعى جالعىز مەملەكەت. ماسەلەن, كورشىمىز رەسەي 62-ورىندا. ال, بارلىق پوستكەڭەستىك ەلدەر ىشىندە قر تەك ليتۆامەن قاتار تۇر.
«بايلىق پەن جان باسىنا شاققانداعى جوعارى تابىس ەكونوميكالىق جانە الەۋمەتتىك تۇراقتىلىقتى كوتەرۋ ءۇشىن ەش كەدەرگى بولىپ تابىلمايدى» دەپ تۇسىندىرەدى KPMG International باسشىسى تيموتي ستايلس. – بۇل تولقۋلار كەزىندە كۇشتى ينستيتۋتتار مەن باسقارۋلار تۇراقتىلىقتى قامتاماسىز ەتۋى جانە جاڭا ءمۇمكىندىكتەرگە ەسىك اشۋى مۇمكىن تابىسى تومەن مەملەكەتتەر ءۇشىن ءۇمىتتەندىرەتىن نەگىز».
