استانا قالاسى اكiمiنiڭ ورىنباسارى اندرەي لۋكيننىڭ ءتوراعالىعىمەن الەۋمەتتiك ارiپتەستiك پەن الەۋمەتتiك جانە ەڭبەك قاتىناستارىن رەتتەۋ جونiندەگi قالالىق ۇشجاقتى كوميسسياسىنىڭ كەزەكتi وتىرىسى ءوتتى.
كۇن تارتىبىندە وندىرىستىك جاراقاتقا جول بەرگەن جۇمىس بەرۋشىلەرگە قولدانعان شارالار تۋرالى, كاسىپورىندارداعى جاراقات الۋ سەبەپتەرى جان-جاقتى ايتىلىپ, قازىرگى ەڭبەك نارىعىنداعى جاعداي ءسوز بولدى. سونداي-اق, كوميسسيا جانىنان قۇرىلعان ۇجىمدىق ەڭبەك داۋلارىن الدىن الۋ جانە رۇقسات بەرۋ جونىندەگى كەڭەستىڭ جۇمىسى مەن بالالارعا جازعى ساۋىقتىرۋ ناۋقانىن دايارلاۋ, بۇل سالانى جەتىلدىرۋ جايى كوتەرىلدى.
ۇشجاقتى كوميسسيا «جالپىعا ورتاق ەڭبەك قوعامى» يدەياسىن ىلگەرىلەتۋ جونىندە ءىس-شارالار جوسپارىن ورىنداۋ, بيزنەستىڭ الەۋمەتتىك جاۋاپكەرشىلىگىن ايقىندايتىن «پارىز» كونكۋرسىنا قاتىسۋ ءتارتىبىن جۇمىس بەرۋشىلەرگە ءتۇسىندىرۋ, الەۋمەتتىك ارىپتەستىك شەڭبەرىندە سالالىق كاسىپورىنداردىڭ ءتيىستى قۇرىلىمدارىمەن, مەملەكەتتىك ورگاندارمەن ىنتىماقتاستىعىن ارتتىرۋ ماسەلەلەرى تالقىلاندى.
جيىن قورىتىندىسىندا قولدانىستاعى ەڭبەك كودەكسىنىڭ نورمالارىن, ءتۇسىندىرۋ بويىنشا جۇمىستاردى جالعاستىرۋ, ەڭبەك زاڭناماسىنىڭ ساقتالۋىنا باقىلاۋدى, اقپاراتتىق قولداۋدى ارتتىرۋ سىندى شەشىمدەر قابىلداندى.
