«بيزنەستىڭ جول كارتاسى 2025» باعدارلاماسى بويىنشا نۇر-سۇلتان قالاسىندا ەرەكشە بالالاردى سەنسورلىق ينتەگراتسيالاۋعا ارنالعان جابدىقتار ءوندىرىسى باستالادى.
ءوندىرىستى قولعا العان Kishkentai كاسىپورنىنىڭ قۇرىلتايشىلارى بيىل 5 ميلليون تەڭگە گرانت الدى. بۇل قاراجات بالالارعا ءوز دەنەسىن سەزىنۋگە, كەڭىستىكتە باعدارلاۋعا جانە ۇيلەستىرۋدى جاقسارتۋعا كومەكتەسەتىن ونىمدەر ءتۇرىن كەڭەيتۋگە جۇمسالادى.
«ونىمدەرىمىز سەنسورلىق اقپاراتتى قيىن قابىلدايتىن بالالارعا ارنالعان. مىسالى, كوشەدە ارتتا كولىكتىڭ ءجۇرىپ كەلە جاتقانىن بىلە الاسىز. بىراق مۇمكىندىگى شەكتەۋلى بالادا مۇنداي سەزىم بولماۋى مۇمكىن, ويتكەنى ول اقپاراتتى قالىپتى تارتىپپەن قابىلدامايدى. ءتيىستى جابدىقتى قولدانا وتىرىپ سەنسورلىق ينتەگراتسيا ءادىسى بويىنشا جاتتىعۋ بارلىق سەزىم مۇشەلەرى ارقىلى تۇسەتىن سيگنالداردى رەتتەۋگە كومەكتەسەدى.ياعني, باستى مىندەت – بالالارعا بارلىق سيگنالداردىڭ دۇرىس ءتۇسۋىن قامتاماسىز ەتۋ, ولاردىڭ كەڭىستىكتى بارلاپ, دەنەسىن سەزىنۋىنە, تەپە-تەڭدىكتى ساقتاۋعا ۇيرەنۋى. سالىستىرمالى تۇردە ايتقاندا, بالالار وزدەرىنىڭ دەنە مۇشەلەرىنىڭ قاي جەردە ەكەنىن جانە وسى نەمەسە باسقا ءىس-ارەكەتكە قانشالىقتى كۇش سالۋ كەرەگىن بىلە الۋى كەرەك. بالا ءوز دەنەسىن سەزبەسە, بۇل ونىڭ اقىل-ويى مەن ەموتسيونالدى دامۋىنا قاتتى اسەر ەتەدى. ول مازاسىزدىق پەن گيپەراكتيۆتىلىكتى ارتتىرادى» دەيدى Kishkentai كومپانياسىنىڭ قۇرىلتايشىسى ايگۇل مۇستافينا.
سەنسورلىق گاماكتار مەن شۇلىقتار, سونداي-اق سالماقتى جيلەتتەر مەن كورپەلەر بالالاردىڭ سەنسورلىق قابىلداۋىن جاقسارتۋعا كومەكتەسەدى. كاسىپورىن قازىردىڭ وزىندە بۇل ءونىمدى شىعارىپ جاتىر. بىراق ەلدە باسقا ونىمدەرگە دەگەن قاجەتتىلىك بار.
«ءبىز بۇل سالادا ەكى جىلدان بەرى جۇمىس ىستەپ كەلەمىز. اتا-انالار بىزبەن بايلانىسا باستادى جانە بىزدە جوق بالالار سەنسورلىق جۇيەسىن دامىتۋعا ارنالعان باسقا جابدىقتار سۇرادى. ءبىز نارىقتى زەرتتەي باستادىق, ەڭ جاقىن ءوندىرىس رەسەيدە, ۋكراينادا جانە ت.س.س. مۇنداي جابدىقتار رەسپۋبليكانىڭ ەش جەرىندە وندىرىلمەيتىندىگىن جانە سۇرانىستىڭ جوعارى ەكەندىگىن ەسكەرە وتىرىپ, ءبىز ءوندىرىس جەلىسىن كەڭەيتۋ تۋرالى شەشىم قابىلدادىق. وسىلايشا «بيزنەستىڭ جول كارتاسى 2025» باعدارلاماسى بويىنشا گرانتتار كونكۋرسىنا قاتىسۋعا ءوتىنىش بەردىك» دەدى كومپانيا قۇرىلتايشىسى.
گرانتتىڭ كومەگىمەن كاسىپكەر سەنسورلىق-ديناميكالىق كەشەندەر ءوندىرىسىن ۇيىمداستىرۋدى جوسپارلاپ وتىر, ولار ءارتۇرلى كونفيگۋراتسياداعى اتكەنشەكتەردەن, «قۇشاقتايتىن» ماشينالاردان, سەنسورلىق ترەكتەردەن, تەپە-تەڭدىك تاقتالارىنان تۇرادى. سونىمەن قاتار, كاسىپورىن مۇنىمەن شەكتەلىپ قالماق ەمەس جانە جەكە تاپسىرىستاردى ورىنداۋعا دايىن.
Kishkentai ءوز ونىمدەرىن ەلىمىزدىڭ بارلىق ايماقتارىنا, تۇزەتۋ ورتالىقتارىنا دا, ەرەكشە بالالاردىڭ اتا-انالارىنا دا جەتكىزەتىن بولادى.
جالپى, نۇر-سۇلتان قالاسىندا وتكەن «بيزنەستىڭ جول كارتاسى 2025» بايقاۋىنىڭ قورىتىندىسى بويىنشا 57 گرانت يەگەرى انىقتالدى.
