دوستىق ۇيىندە نۇر-سۇلتان قالاسى اكىمىنىڭ ورىنباسارى باقتيار ماكەننىڭ توراعالىعىمەن «بولاشاققا باعدار: رۋحاني جاڭعىرۋدىڭ ءۇش جىلدىق بەلەسى» تاقىرىبىندا دوڭگەلەك ۇستەل ءوتتى.
كەزدەسۋگە ەلوردانىڭ زيالى قاۋىم وكىلدەرى, الەۋمەتتىك, فيلولوگيا, فيلوسوفيا سالاسىنىڭ عالىمدارى جانە قوعام بەلسەندىلەرى, مەتسەناتتار, باق وكىلدەرى قاتىستى. كۇن تارتىبىندە «رۋحاني جاعىرۋ» باعدارلاماسى بويىنشا ءۇش جىل ىشىندەگى جۇمىس ناتيجەلەرى ايتىلدى.
– باعدارلامالىق ماقالانى ىسكە اسىرۋ جوبالار مەن ءىس-شارالاردىڭ يدەولوگيالىق قۇرامداس بولىگىن جاڭا دەڭگەيگە شىعارۋعا مۇمكىندىك بەرىپ قانا قويماي, سونىمەن بىرگە جوبالاردى باسقارۋدىڭ ەڭ جاقسى تاجىريبەلەرىن قولدانۋ ارقاسىندا ولاردى ىسكە اسىرۋدىڭ پرينتسيپيالدى جاڭا جانە ءتيىمدى تاسىلدەرىمەن جۇزەگە اسىرۋدى قامتاماسىز ەتتى. وسى ماقساتتا باعدارلامانىڭ 13 ارنايى جوباسىن ىسكە اسىرۋدىڭ جول كارتاسى مەن ينديكاتورلارى بەكىتىلدى, سونىمەن قاتار بيىل 4 جاڭا ارنايى جوبا قولدانىسقا ەنگىزىلدى. باعدارلامانى ءتيىمدى ىسكە اسىرۋ ماقساتىندا 2018 جىلى ساراپتامالىق كەڭەس بەكىتىلگەن بولاتىن. كەڭەس «رۋحاني جاڭعىرۋ» باعدارلاماسى اياسىندا ىسكە اسىرۋعا ۇسىنىلعان جوبالاردى ساپالى قاراۋ ءۇشىن كونسۋلتاتيۆتىك-كەڭەسشى ورگان مارتەبەسىنە يە بولدى, – دەدى ب.ماكەن.
2017 جىلى ەلوردادا 73 جوبا جۇزەگە اسىرىلسا, 2018 جىلى 165 جوبا, ءىس-شارا وتكىزىلدى. 2019 جىلى 275 ءىس-شارا جانە 69 جەكە باستاما جۇزەگە اسىرىلدى. ال بيىل باعدارلاما اياسىندا 185-كە جۋىق ءىس-شارالار وتكىزىلىپ, ونلاين كۋرستار مەن شەبەرلىك سىنىپتارىن قوسا العاندا رەسپۋبليكالىق دەڭگەيدە 1 000 000-نان استام ادام قامتىلدى.
دوڭگەلەك ۇستەل اياسىندا ءبىلىم بەرۋ, دەنساۋلىق ساقتاۋ, الەۋمەتتىك قورعاۋ سالالارىنداعى پاندەميامەن كۇرەسۋدە بەلسەندىلىك تانىتقان نۇر-سۇلتان قالاسىنىڭ مەتسەناتتار مەن ۇكىمەتتىك ەمەس ۇيىمدار, باق وكىلدەرىن «حالىق العىسى» مەدالىمەن ماراپاتتاۋ ءراسىمى ءوتتى.
