ەرەن ەڭبەك ەلەندى
استاناداعى سارىارقا اۋدانىنىڭ اكىمدىگىندە ەڭبەك كۇنىنە وراي ەسەلى ەڭبەك ەتىپ, ەل العىسىنا بولەنىپ جۇرگەن ءبىر توپ ازاماتقا سىي-سياپات كورسەتىلدى.
ەڭبەك – ادام ءومىرىنىڭ ءمانى. ەشكىم دە ونسىز مۇراتقا جەتىپ, بيىككە شىقپايدى. ادال تەرمەن تاپقان ناننىڭ دا ءدامى تاتتىلەۋ. «ەڭبەك ەر اتاندىرادى» دەيدى حالقىمىز. سوندىقتان دا تىرشىلىكتە باعى جانىپ, ابىرويى اسقانداردىڭ بارلىعى دا قاجىرلى ەڭبەكپەن بيىككە جەتكەن ادامدار دەپ ايتۋعا بولادى.
ايتۋلى شارادا سارىارقا اۋدان اكىمى اپپاراتىنىڭ باسشىسى ەرجان جاقىباەۆ ءسوز الىپ, مەرەكەنىڭ ماڭىزىنا توقتالدى.
– وسىدان ءۇش جىل بۇرىن ەلىمىزدە ەلباسىنىڭ جارلىعىمەن ەڭبەك كۇنى بەلگىلەندى. سودان بەرى ول جوعارى دەڭگەيدە اتاپ وتىلەدى. ەڭبەكسىز ادام ەشقانداي جەتىستىككە قول جەتكىزە المايدى. ەلىمىزدە ەلەۋلى ەڭبەك ەتىپ جۇرگەن ادامدار وتە كوپ. ولاردىڭ بارلىعى دا قۇرمەتكە لايىق. سىزدەر دە ءوز ۇجىمدارىڭىزدا العىسقا بولەنىپ, ەل دامۋىنا ەسەلى ۇلەس قوسىپ جۇرسىزدەر. مەرەكەلەرىڭىز قۇتتى بولسىن! بارلىقتارىڭىزعا ۇزاق ءومىر تىلەيمىن, – دەدى ە.جاقىباەۆ.
ماراپاتقا يە بولعاندار قاتارىندا سارىارقا اۋداندىق توتەنشە جاعدايلار ءبولىمىنىڭ قىزمەتكەرى مەيرامگۇل كۇنتۋاروۆا, سارىارقا اۋداندىق جەرگىلىكتى پوليتسيا قىزمەتىنىڭ مامانى اسىلحان قۋانىشەۆ, №3 بالالار مۋزىكا مەكتەبىنىڭ ۇستازى ساۋلەش قاناپيەۆا سەكىلدى ءوز سالاسىنىڭ مايتالمان وزاتتارى بولدى.
ازامات ەسەنجول