نۇر-سۇلتاندا قر تاۋەلسىزدىگىنىڭ 30 جىلدىعىنا وراي «30 يگى ءىس» الەۋمەتتىك قايىرىمدىلىق جوباسى وتۋدە. ونىڭ اياسىندا ەرىكتىلەر قالا كوشەلەرىندە شاي مەن باۋىرساق تاراتۋ شاراسىن وتكىزدى.
«بۇگىن اۋا رايىنىڭ قولايسىزدىعىنا قاراماستان, ەرىكتىلەر «30 يگى ءىس» اكتسياسىن قولداۋعا شىعىپ, ەلوردا تۇرعىندارى مەن قوناقتارىنا, قالامىزدى تازالايتىن «استانا تازالىق» جشس قىزمەتكەرلەرىنە ىستىق شاي مەن باۋىرساق تاراتتى. وسىلايشا, ەرىكتىلەر ايازدى كۇنى كوپشىلىككە جاقسى كوڭىل-كۇي سىيلاپ, ولاردى ءوز ىقىلاستارىمەن جىلىتتى. بارلىعى 50 ليتر شاي جانە 7 كگ باۋىرساق تاراتىلدى» دەپ حابارلادى نۇر-سۇلتان اكىمدىگى جانىنداعى قالالىق ۆولونتەرلەر شتابى.
قاردىڭ كوپ تۇسكەنى جەكە ءۇي تۇرعىندارىنا, قارت ادامدارعا كوپ قيىندىق تۋدىردى. وسىعان بايلانىستى قالالىق شتاب پەن قازاقستان ەرىكتىلەر ليگاسىنىڭ ەرىكتىلەرى اكتسيا اياسىندا زەينەتكەرلەردىڭ اۋلالارىنداعى قاردى تازارتۋعا كومەكتەستى.
