قر مادەنيەت جانە سپورت مينيسترلىگىنىڭ تاپسىرىسى بويىنشا «ەرىكتىلىك – جاڭا ترەند» تاقىرىبىندا «بولاشاق» قاۋىمداستىعى پىكىرتالاس الاڭىنىڭ كەزەكتى وتىرىس ءوتتى.
وتىرىسقا مەملەكەتتىك ورگاندار, بيزنەس-قۇرىلىمدار, قوعامدىق ۇيىمدار مەن «بولاشاق» باعدارلاماسىنىڭ تۇلىكتەرى جانە ءتۇرلى دەڭگەيدەگى جاستار وكىلدەرى قاتىستى.
قازاقستاننىڭ ەرىكتىلەر اليانسىنىڭ اتقارۋشى ديرەكتورى نۇرلان دوسىموۆ «ەكسپو – 2017» ۇلتتىق جوباسىنا دارىندى جاستاردىڭ قاتىسۋى مەن وتكىزىلىپ جاتقان ءىس شارانىڭ ماڭىزدىلىعىنا توقتالدى.
«استانا جاستارى» رەسۋرستىق ورتالىعىنىڭ جەتەكشىسى ءانۋار نۇرپەيىسوۆ ەرىكتى بولۋدىڭ ارتىقشىلىقتارىنا توقتالىپ, قازىر وزدەرىندە «ەكسپو – 2017» ەرىكتىلەر قوزعالىسىنىڭ سۋپەرۆايزەرلەرىنە ىرىكتەۋلەر جۇرگىزىلىپ جاتقاندىعىن جەتكىزدى.
ال, «استانا ەكسپو-2017» ۇك» اق ماركەتينگ جانە ىلگەرلەتۋ دەپارتامەنتى ديرەكتورىنىڭ ورىنباسارى راۋان ەرۇلان «ەكسپو – 2017» كورمەسى – جاستار كۇشىن بىرىكتىرۋشى» تاقىرىبىندا بايانداما جاسادى.
ءىس-شارا سوڭىندا قاتىسۋشىلار ءوزىنىڭ جاڭا يدەيا, ۇسىنىستارىمەن ءبولىستى, وزدەرىن قىزىقتىرعان بارلىق ساۋالدارعا جاۋاپ الدى.
