بۇگىن ۋەفا چەمپيوندار ليگاسىنىڭ ەكىنشى ىرىكتەۋ راۋندىنىڭ قارىمتا ويىندارى وتەدى. ەرتەڭ «استانا-ارەنا» ستاديونىندا قازاقستان چەمپيونى «استانا» سلوۆەنيانىڭ «ماريبور» كومانداسىن قابىلدايدى.
ماريبوردا وتكەن ءبىرىنشى ويىندا 1:0 ەسەبىمەن الاڭ يەلەرى جەڭىسكە جەتكەن بولاتىن. سلوۆەندەر ويىننىڭ بەسىنشى مينۋتىندا ەسەپ اشقان ەدى. ال ەندى قارىمتا ويىننىڭ كەزەگى كەلدى. قاي كوماندانىڭ كەلەسى كەزەڭگە وتەتىنى ەرتەڭ «استانا-ارەنا» ستاديونىندا بولاتىن ويىندا شەشىلەدى.
«ماريبور» – ەۋروپاداعى تانىمال كوماندالاردىڭ ءبىرى. سلوۆەنيانىڭ 13 دۇركىن چەمپيونى. ينتەرتوتو ءتۋرنيرىنىڭ جەڭىمپازى. وتكەن جىلعى چەمپيوندار ليگاسىنىڭ توپتىق تۋرنيرىندە «چەلسي», «شالكە» كوماندالارىمەن ۇپاي بولىسكەن.
«استانا» ءۇشىن ەڭ باستىسى, ويىننىڭ نەگىزگى ۋاقىتىندا ءوز قاقپاسىنا گول دارىتپاي, كەم دەگەندە ءبىر گول سوعۋ كەرەك-اق. مۇنداي جاعدايدا ويىن وۆەر-تايمعا ۇلاسادى نەمەسە پەنالتي سوعىلادى. بۇل ورايدا الاڭ يەلەرىنە جانكۇيەردىڭ قولداۋى دەم بەرەتىنى ءسوزسىز. ارينە, جانكۇيەر قاۋىمنىڭ قالاۋى – «استانا» كومانداسىنىڭ جەڭىسكە جەتۋى.
ولاي بولسا, ەرتەڭ ءوز كوماندامىزعا قولداۋ كورسەتەيىك, اعايىن!
ماتچ ساعات 20.00-دە باستالادى.
عالىم قوجابەكوۆ
