استانا كۇنى وتەتىن ايرىقشا شارالاردىڭ بىرەگەيى – «استانا – ارماندار ورىندالادى» رەترو فەستيۆالى. 6 شىلدە كۇنى ساعات 19:00-دە «قازاقستان» ورتالىق كونتسەرت زالىندا ۇيىمداستىرىلاتىن كەشتە استانا تۇرعىندارى مەن قوناقتارى تانىمال ارتىستەردىڭ ورىنداۋىنداعى اسەم اندەرمەن سۋسىندايدى. 1967 جىلدان بەرى ومىرشەڭ اندەرىمەن جاساپ كەلە جاتقان «دوس مۇقاسان» ءانسامبلى, كونە اسپاپتى سەرىك ەتكەن «جەتىگەن» توبى كورەرمەندەرىن كەرەمەت دۇنيەلەرىمەن قۋانتپاق.
فەستيۆالدە كوپشىلىك ساحنادان ايتۋلى ءانشى, قازاق ەلىنىڭ اسىل اندەرىن حالىقارالىق بايقاۋلار مەن كسرو ساحناسىندا قۇيقىلجىتقان روزا رىمباەۆانىڭ, رەسەيلىك قوناق, كەڭەس ەستراداسىنىڭ مەترى يۋري انتونوۆتىڭ ونەرىن تاماشالاي الادى.
مەرەكەلىك شارادا ورىندالاتىن «مەچتا سبىۆاەتسيا» اتتى تانىمال ءان قازاقستان استاناسىنىڭ قۇرىلۋ تاريحىن باياندايدى. ويتكەنى, قازاق دالاسىندا جاس مەملەكەتتىڭ استاناسى وسىدان ون التى جىل بۇرىن بوي كوتەرىپ, ەل ارمانى ورىندالعان. وسى ۋاقىت ارالىعىندا استانا الەمدىك دەڭگەيدەگى ساياسي, ەكونوميكالىق, مادەني شارالاردىڭ تاپتىرماس الاڭىنا اينالىپ ۇلگەردى.
«استانا – ارماندار ورىندالادى» رەترو فەستيۆالى كورەرمەندەر كوڭىلىنە تاماشا اسەر قالدىرادى دەگەن سەنىمدەمىز» دەيدى ۇيىمداستىرۋشىلار.
